EKIPA SAPIP VIZITA ATIVIDADE GRUPU BENEFISIARIU IHA POSTU ADMINISTRATIVU LURO

Estrela inativaEstrela inativaEstrela inativaEstrela inativaEstrela inativa
 

Fotografia/Elis Soares/INFO-MAP

Laútem – Ekipa SAPIP hamutuk ho Ministériu Agríkultura e Peskas vizita grupu benefisiariu iha area Hortikultura, peskas, pekuaria no floresta  ne’ebé mak  hetan apoiu fundus ki’ik  hosi SAPIP. Atividade ne’e hala’o  iha loron Segunda-feira (20/1/20) postu administrativu Luro.

Projeitu  Hasa’e Produktvidade Agríkultura Sustentavel fo apoiu ba grupu benifisíariu sira liu husi fase por fase ne’eduni Iha prímeira  fase  ba grupu  hirak ne’e  entrega  orsamentu porsentu 30  tanba ne’e hanesan fase preparasaun  depoisde  grupu sira susesu iha prímeira fase maka HAPAS kontinua fo apoiu ba segundu fase iha posentu 60.

Sekretariu Jerál MAP, Sécar José da Cruz  hanesan mós Manajer ba projeitu HAPAS ne’e rasik esplika katak, dadaun ne’e grupu  sira  iha progresu  nia laqran, signifika katak sira hahu ona, kundo iha primeira fase ne’e mak grupu sira lao daik entaun husi  SAPIP sei aumenta tan orsamentu ba segunda fase, dadaun ne’e sira komesa ona kuda talas, fore rai, modo no seluk tan.

“ Ita-nia hakarak grupu kuda ai-horis ne’e nia  rezultadu produsaun ne’e tenki ba merkadu atu nune’e bele ajuda  sira- nia ekonomia iha area rurais. Ita mós garante ba iha futuru tanba programa ne’e sustentabilidade katak iha kontinuasaun labele para iha dalan klaran katak  hahu kuda buat oin-oin iha area hortikultura tenki kontinua tanba atu bele ajuda  sira nia ekonomia  uma larann nian. Tenik Sécar da Cruz.

Fotografia/Elis Soares/INFO-MAP

Nia mós husu ba grupu sira tenki servisu hamutuk atu lao ba oin, hanoin katak buat ne’e diak ba sira labale hanoin de’it  projeitu remata entaun sira mós remata ona maíbé sira bele kontinua ba oin,  fatin  ne’e bele sai hanesan sentru ou fatin demostrasaun ida ba grupu sira  seluk para grupu seluk bele mai haree tanba fatin ne’e mós bele sai hanesan Farmer Field School ba  ema seluk ne’ebé iha inisiativa atu kuda ai-horis iha sira nia uma hun.

Iha fatin hanesan, Offisial Fundus Ki’ik hosi Projeitu SAPIP Humberto Moniz hateten,  total  grupu iha area basias Hidrografiku Raumoco hamutuk 59 , dadaun ne’e SAPIP  fo  apoiu  ona grupu benifisiariu 14  ho atividade iha 24   iha area hortikula, peskas,  pekuaria no floresta.

Total  orsamentu iha primeira fase  hamutuk  $48,043.50 husi total osan aprovadu $68,933.00 dolares Amerikanu mak halo ona transferensia ba grupu 14 ne’e tuir proposta ne’ebé maka grupu sira hatama ba SAPIP. Kontinua ba fase sengundu ne’e  SAPIP hein katak banhira relatoriu kada grupu ne’e tama ona mak  ita kontinua fo apoiu ba segunda fase.

Nia esplika, Orsamentu ne’ebe mak oferese hosi SAPIP ne’e atu ezekuta ba tividade kada grupu nian banhira sira hetan rezultadu  husi ativiadde ne’e rasik  mak   sira sei rai iha konta bankaria kada grupu nian no  osan refere grupu idak-idak mak sei uja ba sira-nia ekonomia uma laran, tanba fundus ne’ebé  ita apoiu ona sei la devolve fali ba guvernu.

Alende ne’e  Lamberto Hornai nu’udar xefe grupu fatuk leten iha  aldeia Afaya  suku Barikafa postu Administrativu Luro  senti orgullu  tanba hetan  apoiu hosi  SAPIP hodi bele kuda ona  aihoris  hirak ne’e  no  nia rezultadu sira mak sei uja rasik ba sira-nian familia rasik e sira mós bele selu sira-nia oan nia eskola ho osan ne’ebé mak sira hetan hosi kuda modo, talas no fore rai hirak ne’e . Iha  futuru mai sei kontinua nafatin  atu nune’e sira bele sustenta ba familia. (Tyfa)

 

Parseiru ho

© 2023 Ministeriu Agrikultura no Peskas. All Rights Reserved. Designed by IT MAP

Search

Login