Diretor no Estensionista MAP Balun Hetan Treinamentu Konaba Adubus POC NASSA

Estrela inativaEstrela inativaEstrela inativaEstrela inativaEstrela inativa
 

Fotografia/Elsio Jong/Info-MAP

Manufahi-Diretor no Estensionista Ministériu Agrikultura no Pescas (MAP) husi Minisipiu sia (9), kompostu husi Covalima, Bobonaro, Ermera, Liquiça, Ainaro, Baucau, Manatutu, Viqueque no mos Manufahi hetan treinamentu konaba utilizasaun adubus POC NASSA.

Treinamentu refere ofisialmente lansa Husi Ministro  Agrikultura E Peskas (MAP) Joaquim José Gusmão Martins, hetan mos partisisipasaun husi Diretora Jeral Agrikultura e Hortikultura Maria Odete do Céu, reprezentante Adminitrador Munisipiu Manufahi José António Braz. Formasaun refere hahu iha loron tersa 19 no sei remataiha loron Sexta 22 de Novembro semana ne’e, iha Salaun MAP Munisipiu Manufahi.

Tuir Ministro MAP hateten iha nia entrevista katak,  Formasaun ida ne’e atu fo ba ita nia estensionista no mos ita nia Diretor sira husi Munisipiu sia (9) reprezenta eskema irrigasaun bo’ot sia (9) ne’ebe maka ita iha. Depois de formasaun remata maka sira ida-idak fila ba sira nia Munisipiu atu bele aplika oinsa halo utilizasaun ba Adubus POC NASSA ne’e rasik.

“Programa ne’e hau sente programa ida ne’ebe maka diak tebes tanba antes ne’e sira koko tiha ona adubus POC NASA ida ne’e iha natar balu, iha Munisipiu Manufahi ne’ebe maka uza adubus POC NASA ida ne’e tanba bele hasa’e ninia produsaun  ne’e to iha metade, ezemplu hanesan natar hektares ida babain karik ita la uza adubus POC NASA nia produsaun ne’e iha 3,7 toneladas maibe kompara ho ita uza adubus POC NASA ita bele hetan to’o 6 toneladas hektare ida.” Tenik Mnistro Juaquim

Fotografia/Elsio Jong/Info-MAP

Ihafatin hanesan, Diretora Jeral Agrikultura e Hortikultura Maria Odete do Céu akresenta katak, treinador refere mai husi PT. Natural Nusantara  Yogyakarta Indonésia, treinador sira hetan suporta husi kompania Manu bey no RINALS ne’ebe maka manan tender ba Adubus POC NASSA, super Nassa no Harmonik ba tinan ida ne’e.

Nia hateten, Iha sira nia aprezentasaun mos hateten katak sira nia adubus ida ne’e laos de’it ba iha agrikultura de’it, maibe ba mos Hortikultura, Pecuaria, no mos floresta. Objetivu ne’e atu hasa’e   prododusaun ba kulaker kumuditi husi Agrikultura ninian.

“Ministériu hakarak aplika POC NASA ida ne’e tanba, tinan kotuk Ministériu halo ona teste iha iha kampo Munisipiu Manufahi nian hatudu nia rezultadu ne’ebe maka diak tebes, ne’e duni Mistériu hakarak aplika ida ne’e liou-liu iha kanais irrigasaun nian, atu nune’e bele responde no hasa’e ita nia produtividade produsaun hahan ninian, liu-liu hare no batar.” DJ Odete esplika

Entretantu Reprezentante Administrador Munisipiu Manufahi José António Braz hato’o nia Agradesimentu wain tebes baMinistro MAP ho nia Komitiva tomak tanbe belefihir no hili Munisipiu Manufahi maka bele sai uma nain ba formasaun ida ne’e, iha nia parte nis senti kontenti tebes ho formasaun ida ne’e.

Nia mos realsa tan katak Setór Agrikultura importante tebes iha Territoriu Timor-Leste, tanba ne’e agradese tebes ba Governo Sentrál liu husi MAP, atu enkoraja nafatin ita nia Agrikultores sira atu bele promove no dezenvolve setór Agrikultura iha futuru mai. (Tyfa)

Parseiru ho

© 2023 Ministeriu Agrikultura no Peskas. All Rights Reserved. Designed by IT MAP

Search

Login