Dili- Kargu Xefia iha Ministériu Agrikultura e Peskas (MAP) estende tan ona to’o 31 Dezembru 2019, tanba Funsionariu sira sei halo hela teste ou ezame ba atu hadia sira nia nivel hahu husi fulan agustus tinan ida ne’e duni Kominsaun Funsaun Publiku haruka Karta maiha iha Ministerio hodi Estende Kargu Xefia sira.
Estensaun kargu ba Ministériu Agrikultura e Peskas, laos husi Ministériu maka estende, maibe husi Komisaun Funsaun Publiku maka hatun despaixu ne’e mai atu kontinua to 31 de Dezembru. Razaun maka KFP agora sei halo hela teste ou ezame ba Funsionariu publiku sira atu bele hadia sira nia nivel. Sira ne’e sei tuir ezame iha fulan Agosto nia laran, hotu tia maka sira sei ba kompete ou konkursu ida konaba rekrutamentu por meritu. Esplika Sekjer MAP, Cesar José da Cruz iha loron Quinta (01/08) iha Nia kna’ar fatin Comoro.
Nia hatutan, liu husi konkursu ne’e maka foin hare se maka liu, no aplay ba pozisaun ida ne’ebe I liu ona hafoin nia mai tur. Tanba ne’e maka rekrutamentu por meritu ne’e ita hotu hein para lao lalais ituan. Wainhira sira hadia ona sira nia Nivel, no KFP hatun ona 10% ba total ema ne’ebe maka liu, nune’e mós ba rekrutamentu por meritu ne’e hodi prense ba estrutura ba Lei Organíku foun ne’ebé maka sei mai.
“Tanba ne’e maka nu’udar Sekretariu Jeral, ha’u sempre fo hanoin ba kolega sira hotu ne’ebé maka servisu iha Ministériu ida ne’e atu bele ba kompete tuir rekezitus ne’ebé mak husi KFP husu. Ita la husu atu estende, husu atu estende ne’e kompetensia Ministro ninian laos Sekretariu Jeral. I hau nu’udar Sekretariu Jeral hau sei la tuir rekrutamentu por meritu. Tanba hau hakarak fo oportunidade bo’ot ba ema ne’ebe atu bele mai tur fali iha pozisaun ne’e. ne’e maka ha’u nia komprimisiu atu fo oportunidade ba Timor oan hotu ne’ebé maka servisu iha ne’e, tanba sira mós iha kapasidade, abilidade sira mós hatene servisu Ministériu ninian” hateten Secjer MAP
Nia akresenta, Semana ida liu ba despaixu tun tiha ona ne’ebé husi MAP estende tiha ona Kargu Xefia sira to 31 de Dezembru. Agora dadaun Funsionariu hotu -hotu ne’ebé prense ona rekezitus iha ona ninia kriterius atu bele ba tuir konkursu. Primeiru hadia nivel, segundu tur iha pozisaun. Tanba estrutura foun la iha Sekretariu Jeral, estrutura foun so iha de’it Diretor Jeral Korporativu. hein katak sira ne’ebé maka tuir konkorensia, ezame ou teste ida ne’e sira liu sei mai prense vagas de posizaun no kargus sira ne’ebé mak iha.
Nia informa, tanba ne’e ita hotu hein lei organiku tun mai, ita hotu hein prosesu husi KFP ba ema sira ne’ebe hadia NiveL, Iha estrutura foun ne’e ita iha Diresaun 38. Tuir informasaun husi KFP tenki aselera atu bele antes tama tinan foun konkursu ne’e hala’o ona. Maibé kompetensia tomak husi KFP laos Ministériu. (Tyfa)
