Dili- Ministériu Agrikultura e Peskas (MAP) liu husi Diresaun Nasional Peskiza e Informasaun Geografica hala’o Seminariu durante loron rua nia laran hodi aprezenta rezultadu ne’ebe maka durante ne’e peskizador sira halo.
Peskiza ne’e hala’o tiha ona iha tinan barak nia laran, maibe ohin maka ita nia peskizador sira foin bele hato’o rezultadu, agora ne’e sira sei konsentra liu ba iha area agrikultura no hortikultura maibe ba oin hau hakarak ita nia peskizador sira peskiza mos iha area peskas no pecuaria tanba area hirak ne’e mos importante tebes. Esplika Ministro MAP Joaquim Gusmão Martins iha Salaun Enkontru MAP Comoroiha loron Segunda (29/04). husu katak ita bele mos peskiza ba iha peskas no pecuaria ne’ebe mak importante tebes atu bele komesa hanoin atu hala’o,
Nia hateten, Ohin ne’e servisu husi Diresaun Pesquisa nian ne’ebe mak durante ne’e peskizador sira halao, Rezultadu sira nemak ita uja hanesan hare ne’ebe mak ita halo teste adaptivu ba iha rai, ita sei uza para atu bele kuda, no mos batar no fore.
peskiza ne’e mos iha fatin seluk hanesan hare peskiza ba rai, ita nia rai ne’e oinsa, ita nia rai ne’e bokur ka la bokur, presiza tau adubu saida, sira nemak sira halo hotu iha teritorio tomak hanesan Ita halo peskiza, ita hetan variedade ne’ebe mak diak iha hortikultura depois ita tenke introdus ba ita nia agrikultores sira iha teritoriu tomak hodi dezenvolve.
Nia akresenta,VIII governo halo kontinuasaun, governasaun sira seluk mos komesa tia ona halo peskiza, sei iha governasaun seluk seidauk hotu, agora dadaun ne’e nia hotu, maibe ida ne’e kontinuasaun. peskiza ne’e kontinua laos deit VIII governu mak introdus maibe kontinuasaun de programa husi seluk ate agora.
Iha fatin hanesan Diretor DNPEIG Claudino Ninas Nabais hatutan katak, ohin ne’e sira aprezenta rezultadu peskiza, peskiza ida ne’e prosesu kleur ona, komesa hahu iha tinan 2001 ohin maka foin halo aprezentasaun ida ne’e.
Diretor informa katak, Ita mos halo peskiza iha parte rai nian, rai ida ne’ebe mak diak liu ba area hortikultura, rai ida ne’ebe mak diak liu ba batar, ba hare ou ba aihoris sira seluk. No rai oinsa, tipu oinsa, nutrisaun ka aihan iha rai laran ne’e saida mak iha rai laran, sira ne’e hotu ita koloka prioriedade. Peskiza hieak ne’e hotu atu bele rekomenda ba ita nia komunidade sira hodi bele imolementa iha futuru Agrikultura nian.
