DILI- United Nations Education Science And Culture Organization (UNESCO) vizita Laboratoriu MAP, UNESCO hanesan organizasaun ida ne’ebe maka hari’i iha Ministériu Edukasaun nia okos. Organizasaun ne’e kompostu husi Professoe sira husi Eskola Pre Secundaria no mos Secundaria.
UNESCO iha programa ida konaba Edukasaun, Ami iha atividade ne’ebe integradu, ami hare ba asuntu sosial. Programa ida ne’e ami foin adopta, iha area rua liga ba iha edukasaun cidadania Global no mos edukasaun ba dezenvolvimentu Susentavel. Entaun objetivu husi ami nia Vizita Laboratoriu ida ne’e atu bele iha konhesemnetu konaba prosesu sira iha Area Agrikultura nian. Hateten Koordenador Edukasaun –UNESCO Francisco Barreto iha loron Tersa (23/04) hafoin vizita laboratoriu refere.
Nia esplika Iha edukasaun ba dezenvolvimentu sustentavel kobre nia area maka hanesan mudansa klimatika, viodiversidade, Dezastre Naturais no mos halakon kiak. Husi ida ne’e ami liga fila fali katak, iha area balu ne’ebe maka liga ba mudansa klimatika entaun ho vizitasaun ida ne’e ami sei ba hanorin fila fali estudante sira atu bele iha konhesementu konaba area hirak ne’e.
Objetivu prinsipal husi vizit ida ne’e ami fo priooridade liu ba jestor sira, atu nune’e ba oin sira mos bele iha konhesementu hodi hanorin fila fali ba estudante sira. Jestor refere kompostu husi Munisipiu ha’at maka hanesan: Aileu iha Eskola rua Ermera iha Eskola tolu Likisa iha Eskola rua no Dili iha Eskola tolu. Hamutuk eskola sanolu. Eskola refere mesak pre-Secundaria de’it, so iha eskola ida maka Secundaria.
Ami senti kontenti tebes tanba ho kolaborasaun ita nia Diretor sira nian ne’ebe disponivel bele simu ami atu bele mai vizita laboratoriu Ministériu ne’e nian, obrigada barak tebes tanba Peskizador sira husi Ministériu ne’e mos iha vontade hodi esplika konaba prosesu sira iha area Agrikultura nian, liu-liu oinsa atu koserva rai. Tenik Francisco
Iha fatin hanesan Diretor Nasional da Pesquisa, Estatistica e Informação Geografica, Claudino Ninas Nabais hato’o nia Bem Vindo ba Jestor sra ne’ebe maka iha disponibilidade hodi hakat mai iha laboratoriu ida ne’e.
Nia esplika maske fasilidade ki’ik oan hanesan ne’e, maibe sente orgulho tanba uniku laboratoriu diak liu iha Timor Leste. Iha Timor iha laboratoriu de Solo ou konaba rai ne’e iha rua de’it, ida maka iha UNTL no ida maka iha MAP rasik no iha Diresaun Pesquisa nia okos, husi laboratoriu rua ne’e ida ne’e maka diak liu no mos nia funsionamentu lao loro loron.
Nia akresenta, atividades ne’ebe peskozador sira halo maka hanesan, halo analiza ba rai sira ne’e, entaun husi UNTL ne’ebe maka sira mos iha laboratoriu de solo nian, maibe sira mos lori sira nia estudante sira mai halo pratika iha laboratoriu ne’e, entaun signifika katak laboratoriu ida ne’e ninia funsionamentu diak liu atu serve ba iha servisu.
