Dili – Membru komisaun Teknika ne’ebe maka kompostu husi Ministériu Agrikultura no Pescas (MAP) no Diresaun Jeral Estatistika (DJE) hala’o enkontro ba dahuluk hodi halo evaluasaun servisu ba pilotu Sensus Agrikolas ne’ebe maka hala’o tiha ona iha Munispiu 8 maka hanesan: parte leste kobre Munisipiu Baucau no Vikeke, parte rai klaran kobre Munisipiu Aileu, Manufahi, Ermera, no Oeste sei kobre Municipiu Bobonaro, Kovalima, no inklui RAEOA.
Tuir Vice Presidente Sensus Agrikultura Claudino Ninas Nabais hateten katak, enkontru dahuluk ida ne’e atu hala’o avaliasaun ba pilotu Sensus Agrikolas ne’ebe ita hala’o tiha ona iha tinan kotuk, pilotu ida ne’e mos atu bele koko instrumentu ne’ebe maka iha hodi bele uza ba iha Sensus Agrikultura actual nian iha tinan ida ne’e. enkontru ne’e hala’o iha loron Sexta (11/01/19) Iha Salaun DJE Caikoli.
“Bazeia ba avaliasaun ida ne’e maka ita foin hatene lolos instrumentu sira ne’ebe ita rekomenda atu uza, no oinsa rekursus Humanus sira nia kapasidade atu bele uza hodi domina instrumentu sira ne’e, antes ne’e sira mos iha ona treinamentu ba instrumentu refere atu rekolha dadus ne’ebe resposta husi agrikultores sira. Tanba ne’e iha enkontru ne’e mos atu hare fali ba falta saida maka la halo iha pilotu ne’e atu bele hare hamutuk hodi nune’e bele hadia diak liu tan atu bele hala’o Sensus Agrikultura Actual ho diak liu tan” tenik Claudino.
Rezultado husi Pilotu Sensus Agrikolas iha tinan kotuk, iha ona rezultadu maibe seidauk iha relatoriu final presija FAO mos ajuda ita atu halo relatoriu ida ne’e tanba relatoriu ida ne’e maka sai hanesan refensia ida no hare iha aspektu tekniku nian aspetu finanseira ita presija hadia no saida maka ita presija aumenta depois iha refrensia ida ne’e maka ita halo preparasaun ba iha sensu actual.
Iha fatin Hanesan Vice Executivu Sensus Agrikolas Quintiliano Belo hatutan, sensus Agrikultura ida ne’e primeira ves maka hala’o iha ita nia Nasaun RDTL, tanba ne’e iha dezafiu barak ne’ebe maka Secretariadu hasoru, maibe hanesan umano ita la ses husi sala, ne’e duni lao nafatin hodi hasoru buat foun hodi bele melhora diak liutan iha sensus atual ne’ebe sei realiza iha fulan Marsu tinan ida ne’e.
Konaba preparasaun ne’ebe sekretariadu halo depois iha pilotu ne’e iha ona inkontro no kontakto entre ekipa TOT sira, ita halo ona selesaun ba iha ekipa panel ne’ebe atu tun ba iha kampo, nomos preparasaun husi ekipa publikasaun. hakarak ou lakoi ekipa publikasaun tenke lao, maske ita iha dezafiu konaba Presidente seidauk promulga OJE, no iha promulgasaun ne’e bele afeita ba ita nia aktividade sensus atual ida ne’e, nudar ema tekniku ba preparasaun ita kontinua hala’o nafatin espera katak ho apoiu maximu husi Ministro Agrikultura no Peskas ho Ministra Finansas ita bele susesu ita nia sensus agrikultura actual ba tinan 2019 ida ne’e.
