Dili - Seitor privadu Longping servisu hamutuk ho Eskola Tekniku Agrikola Natarbora liu husi Diresaun Nasional Eskola Teknika Agricola Ministeriu Agrikultura e Peskas halo seminar konaba programa dezenvolvimentu habelar produsaun batar iha parte sul Timor-Leste, loron Tersa feira (4/12/2018) iha salaun enkontru Peskas Komoro.
Durante ne’e Programa dezenvolvimentu habelar batar ne’ebe mak hala’o iha parte sul henesan peskisa ida kona ba oinsa atu hasae produsaun batar, maibe laos para iha ne’e deit tanba MAP ho seitor privadu Longping ne’ebe mai husi Nasaun Xina inklui seitor privadu iha Timor Leste ne’ebe mak kolobora no servisu hamutuk atu hasa’e produsaun Batar tanba Batar hanesan seguransa ai-han ida ne’ebe mak importante ba dezenvolvimentu ekonomia nasaun nian, esplika Diretor Nasional Eskola Teknika Agricola, Hipolito da Costa iha seminar refere.
Hipolito da Costa mos esplika, atividade ne’ebe mak hala’o husi Longping durante tinan 2 ba kotuk iha Eskola Tekniku Natrabora ne’e hanesan demostrasaun ida oinsa kuda batar, uja tekniku saida mak atu kuda no oinsa nia rezultadu durante ne’e neduni hare husi ne’e longping mos hakarak atu estende tan atividade ne’e ba fatin seluk
Diretora Jeral Agrikultura e Horkultura no Estensaun, Maria Odete do Céu iha nia intrevista hateten katak, programa dezenvolvimentu habelar produsaun batar iha parte Sul ne’ebe mak hala’o ona durante ne’e, e agora Parte Longping bele hatoo nia programa maibe tekniku husi MAP mak tenki hare didiak lai tanba sekuando antes kuda batar rai hirak ne’e uja ferlitizer ka pupuk, ne’e uja pupuk saida no pupuk ne’e organiku ga unoraganik ne’e presija tebes atu hare tanba ita hatene katak iha parte sul ne’e rai mesak bokur no la presija utilija pupuk sekarik uja pupuk ba oin fo inpaktu ba rai refere ka lae tanba ita lakoi iha futuru pupuk hirak ne’e estraga ita nia rai.
Diretora Jeral mos hatutan, Longping hala’o ona nia atividade iha Timor kleur tebes ona maibe sira mos tenki kolobora no servisu ho autoridade lokal no liu liu seitor privadu sira iha Timor tanba bele influensia maka’as ba ekonomia nasaun nian.
Iha fatin hanesan, Project Manager Longping Fang Yuanxiang informa katak ,husi parte Longing apresia tebes servisu hamutuk entre MAP ho seitor privadu sira seluk tanba durante ne’e Longping implementa programa dezenvolvimentu habelar batar iha parte sul hetan apoiu maka’as husi sira neduni iha seminario loron ohin Longping hakarak konvida maluk sira atu halo diskusaun no rona ideas husi autoridade lokal, seitor privadu, tekniku, peskizador sira iha MAP, atu bele tau ideas hamutuk oinsa mak atu estende tan programa ne’e ba fatin seluk hanesan Hatu’Udo, Manatuto no Same. (E''J)
