Kotamutu – Data 21 Novembru, 2018. Hasa’e Produtividade Agrikultura Sustentavel (HAPAS) ,kontinua Observa no fo opiniaun ba atividade Prosesu SCADP (Sustainable Community Agricultural Development Planning ) nebe maka prepara husi NGO Hivos ,no sei pratika usa ba implementasaun projetu HAPAS iha basia hidrografika raumoco, no sei hahu ba dahuluk iha Suco Kotamutu Munisipiu lautem iha tempu badak nia laran. Objetivu husi sorumutu ida nee : atu dezenvolve planu agrikultura komunidade sustentavel iha suco Kotamutu. Partisipante nebe maka marka presensa inklui : Equipa HAPAS, Ngo Hivos ,Extecionista sira ,Komandante PNTL Luro,Xefe suco Kotamutu ,Xefe Aldeia, Komunidade Suco Kotamutu no Administrador Munisipiu Lautem .
Atividade ida nee halao durante loron tolu (3) husi data 21-23 Novembru,2018 iha sede suco Kotamutu Munisipiu Lautem. Atividade refere sei halo Formasaun komisaun ba planu uza rai PDAKS (SCAD Land Use Planning ) ,validasaun ba baliza suco ,sub-basia hidrografika /mikro-basia hidrografika ,mapamentu ba rekursu social /natural: diskusaun grupu ki’ik konaba problema uza rai no potensia sira ,Time line Suco,Survei Uma kain Sosio ekonomiku: intervista semi strutura,Transect Walk Partisipatoria,kalendariu tempu,no ikus liu mikro-basia hidrografika zona usa rai .
Hodi loke sorumutu ida nee xefe suco kotamutu, Sr.Leopoldo Da Conceição hato’o agradese wain tebes ba programa SCADP( Sustainable Agriculture Development Process )nebe maka halao iha suco kotamutu. Tuir informasaun nebe maka xefe suco kotamutu hato’o iha ninia abertura katak “ enkontru ohin loron hanesan kontinuasaun husi loron 06-07,Novembru 2018 nebe maka ita halao ona iha Suco Afabubu, husu ba komunidade kotamutu tengki fo atensaun makas ba atividade SCADP process nebe mak halao iha ita nia suco durante loron tolu nia laran ,husu ba komunidade sira tengki involve maximu iha atividade refere,atu nunee ita bele hatene informasaun konaba programa HAPAS /SAPIP no atu observa ita nia area no hatene saida mak ita komunidade nia hakarak atu bele implementa projetu HAPAS nee ho efisiente tuir nesesdidade iha ita nia suco laran.
Antes atu tama ba iha diskusaun Agenda Atvidade SCADP, Presidente Konselu Jestaun Basia Hidrografika Raumoco Sr. Zeferino Dosantos Sequira hateten katak : “ hau fo hanoin hela ba xefi suko no komunidade sira iha suku kotamutu atu partisipa iha atvidade ne’ebe parseiru desenvolvimentu sira mai halo iha suku kotamutu tanba guvernu mesak labele halo buat hot-hotu ba ita ,maibe liu husi parseiru sira nia tulun bele hadia nesesidade komunidade nian. Atividade projetu HAPAS nia komesa lao makas ona hahu husi suco kotamutu no kontinua ba suco seluk, kotamutu sai hanesan ezemplu ba suco sira seluk”wainhira suco kotamutu lao ho diak tuir mai ba suku sira seluk bele lao ho diak liutan “ Presidente KJBHR hatutan katak Projetu HAPAS persiza Apoiu husi parte hot-hotu liliu xefe suco no komunidade sira, membru konselu suku sira tengki servisu hamutuk hodi realiza programa nee no guarantee nia prosesu hodi produs resultadu ho nia benefisiu ,ikus liu Nia hatoó tan katak “ hau deside HAPAS nia atividade hahu husi suco Kotamutu tanba suku kotamutu iha prepasarasaun diak ona hodi implementa PDAKS ( Planu Dezenvolvimentu Agrikultura Komunidade Sustentavel ), hau husu ona servisu agrikultura munisipiu atu fo apoiu tekniku ba to’os nain sira iha implementasaun projetu HAPAS no Hau husu mos apoiu tekniku maximu husi estensionista sir aba grupo to’os nain sira no halo supervisaun regular durante implementasaun.
Photo Atividade : iha sede suco kotamutu PDAKS ( Planu Dezenvolvimentu Agrikultura Komunidade Sustentavel )
Reported by : Reha,Comm HAPAS/SAPIP
Photographer by : Reha Comm,HAPAS/SAPIP
