Notisia

Peskas Hanesan Xavi Ba Dezenvolvimentu Ekonomia Nasional

Estrela inativaEstrela inativaEstrela inativaEstrela inativaEstrela inativa
 

Fotografia/Rozer Lopes/INFO-MAP

Dili- Ministériu Agrikultura e Peskas (MAP) servisu hamutuk ho Ajensia Internasional balun hodi hare ba iha setor Peskas no Aquikultura, tanba area Peskas maka sai hanesan xavi ba Dezenvolvimentu ekonomia Nasional ne’ebe sustentavel  iha Nasaun timor leste.

Tuir Ministro Agrikultura e peskas Joaquim Gusmão Martins sente Apresia no orgulhu tebes ho atividade refere, tanba seitor pescas mak sai hanesan fontes ida ne’ebe hodi fornese no kontribui ba ai-han masimu no mos hasai sistema unidade ne’ebe  forte  hodi  responde ba povu tomak nia moris  iha nia Nasaun doben Timor Leste. Seremonia ne’e Hala’o iha loron Tersa (16/10) iha Hotel Ramelau Aimutin Comoro Dili.

Timor leste orgulhu tebes ho esforsu ne’ebe makas liu husi parseiru dezenvolvimentu hotu hanesan FAO, ADB, Novazelandia, Norwegia iha ona kondisaun oinsa asegura pescas ne’ebe adekuadu ho programa pescas ne’ebe sustentavel hodi nune’e ajuda tebes ba dezenvolvimentu ekonomia iha ita nia rai laran.

“Hau nia esperansa katak ho estrategia foun ida ne’e sai hanesan mata dalan ba ita nia dezenvolvimentu ba area ne’ebe efektivu nune bele kria mos kondisaun oinsa bele hari industria ne’ebe adukuadu hodi benefisiu masimu ba ita nia Nasaun no ba ita nia povu. Hau mos hakarak agradese ba parseiru newzelan ba sira nia kooperasaun no esforsu tomak hodi kontribui iha seitor pescas Timor Leste, Maibe nafatin ita mos tenki proteze ita nia ambiente tasi hodi nune bele konserva no proteze ekosistema no viodiversidade  tasi nian.” Tenik Joaquim

Fotografia/Rozer Lopes/INFO-MAP

Iha fatin hanesan Embaisador Noruega Vegard Kaale hateten katak forum Pescas Timor primeiru mak ita foin halo hodi formula ita nia papel,   estrategia Nasional kona ba pescas iha timor nia foin mak hahu ne’e sira komesa hala’o ona iha tinan kotuk ba iha konsultasaun ba ita nia peskador sira iha timor laran husu sira nia hanoin husu sira nia misaun kona ba oinsa mak hala’o servisu pescas nian iha Timor Leste.

“Ita hatene katak agora dadauk fronterira maritima ita iha ona ita iha desafius boot ida para bele kontrola pescas iha tasi laran ita komesa ho estrategia nasional ne’e atu bele regulha oinsa mak bele servisu diak liu tan iha area pescas ne’e, laos deit iha area pescas ne’e iha mos Aqikultura hakiak ikan mos iha rai maran.”

Entretantu Country Diretor ADB TLRM Paolo Spantiga hateten katak, ADB nia prezensa iha Timor nudar parseiru dezenvolvimentu ba Guvernu Timor leste  nudar parseiru hodi hare ba potensia saida maka nudar Nasaun Timor Leste iha atu dezenvolve hodi fo vantazen ba nasaun ida ne’e.

“Entaun iha seitor agrikultura nian mak ADB fo apoiu ba Guvernu Timor Leste liu-liu atu dezenvolve planu estratejiku dezenvolvimentu iha seitor peskas nian, espera katak planu estratejiku ne’e bele implementa ho diak, tanba ita hare ba potensia rekursu peskas nian ikan sira nia potensia ne’e boot tebes tamba nia fo nutrisaun no seguransa alimentar ba ita nia povu timor.” Esperansa Paolo

Nia akresenta, durante ne’e ADB fo apoiu iha area Peskas nian maka hanesan  finanseiru parseiru dezenvolvimentu, Word Fish atu oinsa dezenvolve no apoiu Govenu Timor  Leste iha planu estrategiku ne’e, tamba planu estrategiku maka sai hanesan mata dalan ba Governu atu oinsa bele dezenvolve seitor peskas iha Nasaun ida ne’e.

Visita Programa Radio Joven Agrikulturahttps://www.mixcloud.com/elissousa/

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login