Manufahi- Ministériu Agrtikultura no Peskas (MAP) liu husi Diresaun NasionalPekuaria iha mos Sentru hakiak Fini animal iha Suco Dotik Postu Administrativu Alas Munisipiu Manufahi, maibe iha Difikuldade konaba ba lutu atu asegura fini Animal refere.
Difikuldade ne’ebe maka oras ne’e dadauk ami hasoru maka rai iha 30 hektares maibe lutu seidauk iha, tanba ne’e maka oras ne’e dadauk ami halo Manu luhan, karau luhan, maibe iha mos komunidade balun ne’ebe maka kontinua naok karau oan no Bibi oan sira ne’e, tanba staff ne’ebe maka servisu iha ne’enain 8 de’it, tanba ne’e sira labele kontrola.Hateten Diretor Nasional Pecuaria José Orlando hafoin hetan Vizita husi Ministro MAP Joaquim José Gusmão dos Reis Martin iha loron Segunda (08/10) iha Sentru Dotik Manufahi.
Nia hateten, Diresaun Nasional Pecuaria iha sentru ida ne’e mos iha mehi ida katak atu sai sentru dezenvolvimentu treinamentu Pecuaria nian. Mehi ida atu oinsa maka haloseleksaun ba Fini animal nian hanesan: karau vaca, Fahi, Bibi no manu no mos ita hare fini husi animal sira ne’e.
Sentru ida ne’e sai mos hanesan ezemplu ida ba Timor laran tomak, ita tenke tau prioridade ba sentru ne’e atu produs fini ne’ebe diak, atu nune’e bele atende proposta husi komunidade sira ne’ebe hato’o mai, doque ita gasta osan sosa animal husi liur, entaun ida ne’e mos hanesan programa ida ne’e maka diak, tanba ne’e ita tenki tau prioridade ba fini animal hirak ne’e.
Iha fatin hanesan Staf tekniku Pecuaria Arlindo Xavierhateten katak, Durante sira servisu iha Sentru refere tinan 8 atu tama ba tinan 9 ona, maibe sira nia preokupasaun maka laiha loron feriadu ba sira, tantu Sabadu Domingo mos sira kontinua hala’o sira nia servisu.
“Ami nia servisu ne’e la iha rezultadu ne’ebe maka diak, tanba ami la iha lutu atu asegura animal sira ne’e no ami mos presiza hadia estrada no mos be’e mos, animal ne’ebe maka ami hakiak iha sentru ida ne’e kompostu husi karau, bibi, fahi no manu. Karau total 65, Fahi 37, Durante ne’e ami destribui ona animal hamutuk 217 ba komunidade sira liu husi Grupu ne’ebe maka Komunidade sira kria ou hari’i.” Tenik Arlindo
Visita Programa Radio Joven Agrikulturahttps://www.mixcloud.com/elissousa/
