Dili- Orsamentu Iha tinan 2018 ne’ebe promulga ona, ne’e lao tuir de’it planu 2018, agora MAP antisipa mos ba tinan 2019 atu nune’e bele fo tempu ba Diretór sira atu bele kompleta planu Asaun Annual ne’e.
Enkontru ida ne’e atu hare konaba kategoria sira hanesan Salario Bems de Servisu, kapital Dezenvolvimentu, kapital Menor no sira seluk ne’ebe inklui ba iha roda ekonomia, MAP mós iha ninia planu ba tinan 2019, esplika Sekretario Jeral MAP César Jose da Cruz iha loron Tersa –feira (14/08) iha Salaun MAP Komoro.
Nia hateten planu ida ne’e tenki bazeia ba vizaun polítika no mos MTOP (Mid Term Operasioanal planning) ne’ebe ita iha tiha ona, hare mós konaba objetivu prinsipal Ministériu nian ne’ebe atu hare konaba Diresaun sira maibe Diresaun Tekniku sira nia servisu la hanesan Ministériu sira seluk.
Nia akresenta, MAP nia servisu ne’e servisu tuir epoka, servisu tuir udan, servisu tuir loron manas sira ne’e hotu Diretór Jeral, Diretór Nasional, xefe Departamentu no mos funsionariu sira hotu atu bele konsentra no mos iha sira nia planu ida ne’e atu tau nesesidade baziku ne’ebe maka Ministériu ne’e presiza atu bele hala’o atividade tuir planu estratéjia ne’ebe ita iha ba tinan Lima nian.
Atividade ne’ebe relasiona ho ajensia sira, iha ajensia balun ne’ebe maka servisu hamutuk ho MAP, sira mos hala’o servisu ne’ebe maka iha, maibe servisu ne’ebe maka sira hala’o ne’e servisu Ministériu ninian, tamba ne’e maka apoiu tomak ne’ebe maka iha balun la 100 %, maibe iha apoiu duni kapasitasaun depois treinamentu, liu husi treinamentu ka husi kursu liu buat bar-barak ne’ebe mak sira halo tantu ba agrikultór no ba funsionariu Ministériu ninian ida ne’e atu bele kapasita sira atu nune’e oinsa maka dezenvovimentu ekonomiku liu husi MAP bazeia ba politika ne’ebe iha kona ba kuantidade, kualidade no mos rendementu ekonomiku iha merkadu
“ho planu 2019 ita hein katak ho orsamentu ne’ebe ita tau atu labele redus, tamba hakarak ga lakoi area agrikultura sai pilar importante tebes ba rai ida ne’e, atu povu hotu-hotu bele komfortabel iha ai’han. Primeiro hahan tenki iha, Segundu hahan iha nutrisaun, Terseiru oinsa maka povu bele saudavel e povu ida ne’e bele han dala tolu ou dala ha’at no bele hetan saude diak. Ai-han ida ne’ebe maka ita produs ho intensaun ba Nutritivu ou nutrisaun, tanba ne’e maka ita mós servisu ho Ministériu sira seluk atu hare konaba kualidade, kuntidade no mos rendimentu ekonomiku liu husi merkadu.” Tenik César
Iha fatin hanesan, Diretór Nasional Polítika Planeamentu Faustino Tiborsiu Guterres da Silva hateten katak, enkontru ida ne’e atu hahu halo preparasaun ba elaborasaun planu asaun, planu ba orsamentu 2019 tamba ne’e mak ami halibur Diretór jeral, Diretór Nasional no mos xefe Departamentu sira atu koalia konaba planu sira ne’e.
Nia informa tinan tinan ita prepara planu rua, hanesan planu orsamentu no mós planu asaun annual 2019 iha mos planu atu halo konstrusaun ba edifisiu MAP, ida ne’e hanesan aktividade ida ne’ebe ita tenki tau iha planu 2019 nian, tamba hanesan ita hotu hatene katak edifisiu nudar imagen ne’ebe Governu aprezenta ba rai seluk, se edifisiu nia kondisaun la dun diak oinsa maka ita atu servisu ho diak.
Programa sira ne’e hotu hanesan planu ba tinan 2019, depende ba desizaun husi konselhu ministru atu aprova ka la aprova maibe ita iha obrigasaun atu tau iha planu hodi bele konsidera iha tinan 2019. (Tyfa)
Visita Radio Programa Agrikulturahttps://www.mixcloud.com/elissousa/
