Dili - Governu sei implementa sistema  Governu Elektroniku  oinsa atu kontrolu asset ou patrimonio estadu  iha ministeriu hotu inklui Ministeriu Agrikultura, apresentasaun sistema Elektroniku ne’e hala’o iha loron Segunda-feira (23/7) iha salaun MAP Komoro.

Elígio Moniz do Rego, ICT Manager Liuvia Infotek esplika katak, Apresentasaun ne’e konaba oínsa atu implementa Governu Elektroniku  ne’ebe  bele sai hanesan solusaun ida hodi hare  ba kesataun sira ne’ebe durante ne’e infrenta iha ministeriu ezemplu hanesan jestaun kona ba kareta Estadu, jestaun kona ba asset ou patrimoniu estadu sira ne’ebe kada vez labele lao ho diak nomós arkivu dijítal.

Nia mos hatutan,  ita hakarak resolve konaba problema  arkivu ne’ebe mak durante ne’e lao ladun diak neduni ita hakarak uja sistema ida ne’e para oferese sai hanesan solusaun ba Ministeriu agrikultura atu nune’e  ba oin bele hadia kona ba jestaun sira ne’ebe seidauk jere ho diak.

Iha fatin hanesan Diretora Jeral Agrikultura e Hortikultura, Maria Odete do Céu Guterres, realsa katak,  Aprezentasaun ida ohin ne’e,  oinsa bele kontrola servisu sira  liu liu ba  manutensaun ba kareta, kontrolu kona ba oinsa  ense mina, kontrolu ba oinsa mak sirkulasaun kareta iha distritu buat sira ne’e hotu sei halo servisu ida ne’ebe maka efisiente no efikas.

 Hare ba nesesidades diresaun jeral agrikultura ninian sistema ida ne’e bele aplika ba dadus ne’ebe ita foti iha nivel munispiu too  suku Tanba ita hare sistema ne’ebe aban bainrua sira estabelese ne’e sei sai sitema ne’ebe mais prátiku entaun ida ne’e maka ita presija atu nune’e servisu efektivu liu tan iha baze.

teknolojia ne’ebe simples e baratu   sei la presija  gasta osan barak atu estabelese sistema ida ne’e,   no  halibur servisu ne’ebe barak e servisu ho kualidade. babain ita kuandu hanoin atu establese sistema foun ida ka mekanismu foun ida atu ajuda ita nia servisu,  ita sempre iha difikuldades orsamentu ne’ebe bot, ita la konsege halo tanba ita nia limitasaun  orsamentu maibe  ho apresentasaun ida ohin ne’e la presija duni atu gasta barak.(E'J)

Visita Radio Programa Joven Agrikulturahttps://www.mixcloud.com/elissousa/