Dili- Relasiona ho loron Komisaun Funsaun Publiku nian ne’ebe maka komemora iha loron segunda –feira 16 de julho 2018 , antes ne’e KFP loke jogu hanesan Footboll Volleyboll no mos Basketball ba funsionariu Publiku sira iha Ministériu hotu-hotu inklui Ministeriu Agrikultura ne’ebe kontra Ministeriu seluk atu bele hetan taca refere.
Jogadór MAP hala’o enkontru ho Ministru inklui Diretór sira hodi aprezenta Rezultadu jogo ne’ebe mak MAP konsege hetan taca rua husi jogo Volleyboll hetan II lugar no III lugar basketboll nian, enkontru ne’e hala’o iha loron Tersa feira (17/07) iha Salaun MAP Comoro.
Tuir Ministru Agrikultura e Peskas Joaquim José Gusmão Dos Reis Martins sente orgulho tebes ho Joagadór sira ne’e, tanba sira iha espíritu ida ne’ebe forte tebes hodi joga la hare ba limitasaun fasilidade ne’ebe maka ita iha maibe sira konsege hetan II lugar iha no III lugar nian. Ida ne’e orgullu ba ita tanba kontra Ministériu hotu hotu no ita konsege hetan duni II no III terseiru lugar.
Maibé iha enkontru ne’e jogador sira hato’o sira nia preokupasaun barak tebes liu-liu sira husu atu tau mos orsamentu hodi bele aloka ba iha farda jogadór sira, atu nune’e tinan oin mai sira bele preparadu liu tan. Hatan ba preokupasaun ne’e, Ministru hateten katak sei iha meius barak atu atende ba preokupasaun hirak ne’e, importante liu maka sira iha ona espiritu no vontade atu hala’o jogu refere no hakarak duni foti Ministériu ba oin.
Iha fatin hanesan Koordenadór Voleyboll, Nelio Ranaldo Viegas sente kontente tebes tanba ekipa jogadór sira konsege tama to’o final, maske hasoru dazafius barak, maibe jogadór sira konsege esforsu hodi hetan segundu lugar iha ekipa vollyboll no tersiru lugar iha ekipa Basketboll nian. Nelia mos realsa liu tan katak, Dazafius ne’ebe hasoru liu-liu maka kampo volly no Baket hodi bele treinu lor-loron, dalaruma ita nia jogador sira ba treinu iha INAP maibe la dun masimu tanba kampo refere laos ita nian rasik, tanba ne’e husu ba Ministerio atu tau atensaun ba problema ida ne’e atu nune’e tinan oin ita mos bele prepara diak liu tan hodi ba kompete. (Tyfa)
Visita Radio Programa Joven Agrikulturahttps://www.mixcloud.com/elissousa/
