Dili- Funsionariu Ministériu Agrikultura e Peskas simu Ministru Agrikultura no Peska foun, no simu relatoria programa MAP diretamente husi sesante Ministru MAP Estanislau Aleixo da Silva. Serimonia simu ministru foun iha loron segunda-feira (25/6/2018) iha resinto MAP Comoro Dili.
Ministru Eng. Joaquim José Gusmão dos Reis Martins atualmente ministru MAP hateten, iha fulan nen nian laran primeiru agora ita sei iha primeiro transitorio, programa iha hotu maibe programa lolos ne’e sei implementa iha tinan 2019, Tanba agora ita tama ona iha fulan Julho primeiru transitoriu orsamentu nian.
Nia mos hatutan, agora ne’e hau hare liu oinsa maka besik liu ho staf sira iha ministeriu atu bele hatene sira nia servisu no bele komprende liu politika MAP nian.
Ohin simu ona relatoriu husi Ministru sesante no hau tenke estuda, depois hau bele prepara hela saida maka bele halo iha kurtu prazu ne’e dalaruma komesa iha fim de Agostu ou Setembru ne’e prepara ona programa planu Aasaun anual orsamentu jeral ba tinan 2019.
Iha fulan ida ne’e ho fulan ida oin mai ne’e bele konhese staf sira, iha tempo oituan sei halo vizita ba fatin balun, tanba agrikultura ne’e buat boot ida ita laos halo milagre buat hotu jadi ona presija tempo ho lalaok ne’e akompanha trabalhu ne’ebe hau sei halo.
Ministru sesante mos fo hanoin ninia papel importante teb-tebes husu mos ba funisonario ou diretor sira nia apoiu hodi fo hanoin hau saida maka falta ou imi sei hetan buat ruma iha liur ne’eba oinsa maka ema faan ikan la Fresku, ne’e imi bele husu ba ministru oinsa papel ministeriu agrikultura nian katak iha ne’eba ema la kail no kaer ikan ona tanba ro’o ka redi la iha ka ou sira sosa, Tenik Nia
Hanesan Timor oan hau iha esperansa bo’ot tebes tanba ita mesak ema profesional, ema sira ne’e mesak eskola bo’ot iha ukun an ne’e, ida ne’e hanesan esperensia foun maibe hau konfia tebes katak ho apoiu kolega sira nia iha ne’e ita bele halo buat barak no halo mudansa ba ita nia Ministerio.
Entretantu Estanislau Aleixo da Silva hanesan mos Ministro sesante MAP sente kontente tebes ho Ministro foun ida ne’e, tanba ema ne’ebe maka hatene konaba area Agrikultura nian maka simu fali pasta ida ne’e.
“Wainhira hau simu kna’ar ne’e mos la fasil, wainhira hau simu kna’ar ne’e hau simu mos relatoriu bo’ot ida husi Tribunal de Contas ne’ebe maka identifika buat bara barak ne’ebe tenki hadia iha Minitsériu laran. Depois ami halo mos avaliasaun ida servisu iha Ministériu Agrikultura ninian hau hare ba relatoriu ne’e hau basa hau nia rentos, maibe hau mos evita hau nia koalia no hau hatene katak ita iha prosesu tranzisaun no aprendizajem, I hau fiar katak ita sei hadia hamutuk servisu iha Ministériu Agrikultura e Peskas.” Tenik Estanislau
Nia informa, durante nia mandatu nia mos konsege implementa ona buat balun, no buat balun mos seidauk, nia mos kontente tebes ho ekipa ne’ebe iha aprovozionamentu, tan ne’e nia hakarak informa ba Ministro foun katak buat barak maka sira hala’o ona, no buat barak mos presiza halo nafatin nia kontinuasaun.
