MAP Kolheta Modo Iha Ermera

Estrela inativaEstrela inativaEstrela inativaEstrela inativaEstrela inativa
 

Fotografia/Rozer Lopes/Info-MAP

Vice Ministru Agrikultura e Peskas (MAP) Deolindo da Silva hala’o atividade kolheta modo ne’ebe estabelese iha Suku Samalete Munisipiu Ermera loron Segunda (11/06).

Tuir Vice MAP katak, Grupu ida ne’e inklui mos husi grupu 142 ne’ebe maka eziste ona iha teritoriu Timor laran tomak hanesan Grupu Joven Agrikultura ne’ebe hetan subsidiu husi Ministériu Agrikultura e Peskas ho montante USD 1.500 ate USD 2.000. No grupu ida ne’e hetan apoiu USD 1.500 no konsege realiza no dezenvolve Hortikultura iha sira nia grupu.

Nia Hatutan, Ministeriu sente orgullho tanba konfiasa ne’ebe maka fo ba sira la saugati, sira konsege dezenvolve no hetan retorno ba sira nia a’an rasik, atu sira bele haburas tan sira nia organizasaun ou grupu ne’e ba oin.

Vice Ministru mos rekomenda ba grupu Joven Agricultura sira tenki estabelese no involve sira nia a’an iha atividade agrikultura iha grupu laran atu nune’e bele atrai joven sira seluk hodi hakbesik a’an ba iha Agrikultura hodi bele sai familiar liu tan ho Agrikultura. Tanba ita nia jovem sira ne’ebe foin sae ne’e sente Agrikultura hanesan buat ida ne’ebe maka la dun diak ba sira, ne’e maka hau kontinua fo korajem ba grupu sira liu-liu oinsa maka atu bele enrikesa sira nia a’an atu bele sai familiar liu tan ho atividade agrikultura ne’ebe maka iha hodi bele hadia ekonomia familia.”

Nia hatutan, dezafiu no obstaklu ne’ebe maka Agrikultor sira hasoru iha terenu bele kontaktu tekniku agrikultura Munisipal no Nasional hodi bele resolve dazafiu ne’ebe sira enfrenta.

Fotografia/Rozer Lopes/Info-MAP

Ezemplu hanesan konaba merkadu bele ba koalia ho Agrokomersiu iha Nasional atu oinsa bele kanaliza komprador sira mai. No agrikultor balu hakarak loke tan area produsaun maibe posibilidade la to’o, koalia ho tekniku sira atu oinsa halo proposta hodi bele hetan apoiu finansiamentu ne’ebe maka sira presiza.

Iha fatin hanesan Chefe Grupu Juventude Foin Sae Bera, Jordão Pereira de Oliveira hateten katak, membru grupu ne’e hamutuk ema nain sanolu resin lima(15), Mane sanolu(10), feto lima(5). komesa hala’o aktividade agrikultura iha tinan 2014 ate 2017 no hetan apoiu 0rsamentu hamutuk U$1.500 husi Diresaun Nasional Agrikultura e Hortikultura Ministeriu da Agrikultura e Peskas, hodi sosa material sira hanesan: Fini, Ensada no material seluk tan ba irigasaun nian. Ho apoiu hirak ne’e maka ohin loron konsege hetan ona rezultadu ne’ebe ita koileta ne’e,

Jordão esplika, luan Area kuda modo hamutuk 0,75 hektare no tipu modo ne’ebe kuda mak kabi flower, Modo Mutin, Modo Metan, tomate no Lis. Modo ne’ebe kuda depende ba adubus ne’ebe maka ita fo se adubus diak kobi funan ida bele hetan to’o 80 grama ate kilo ida.

Nia informa, komesa tinan 2014 to’o agora kompania Dili Mart maka sosa modo ne’e, uluk kada semana sira mai foti dala ida maibe agora kada semana foti dala 2, iha loron Segunda no Qinta. No ami mos la taka dalan ba komunidade sira ne’ebe mak iha Railaku laran ne’e atu mai sosa ami nia modo.

Parseiru ho

© 2023 Ministeriu Agrikultura no Peskas. All Rights Reserved. Designed by IT MAP

Search

Login