DNPEIG Halao’ Monitorizasaun Atividade Peskiza Iha sentru Manatutu no Manufahi

Estrela inativaEstrela inativaEstrela inativaEstrela inativaEstrela inativa
 

Fotografia/Norberto Filipe/Info-MAP

Manatutu- Diresaun Nasional da Pesquisa, Estatistica e Informação Geografica (DNPEIG) halao’ monitorizasaun atividade Peskiza iha Centru Manatutu no Manufahi hodi hare diretamente Tratores ou makina ne’ebe maka rekolha husi Munisipiu sira ne’e.

Tuir Diretor Nasional da Pesquisa, Estatistica E Informação Geografica, Claudino Ninas Nabais hateten katak monitorizasaun Aktividade peskiza ne’e atu hare ba treinamentu iha sentru treinamentu ba tratór ho makinas ne’ebe rekoilha iha Manatuto. Monitorizasaun Atividade peskiza ne’e hala’o iha loron Quarta-Quinta (25-26/04) iha munisipiu Manatutu no Manufahi Betano.

Oras ne’e dadauk tratorista nain 3 mos tuir hela treinamentu iha Manatutu, entaun liu husi monitorizasaun atividade peskiza ne’e aproveita tempu hodi fo motivasaun ba sira atu sira bele aprende masimu liu tan.

“Treinador refere mai husi nasaun Cina, makina sira ne’e mudernu oitoan maibe fiar katak durante treinamentu fulan ida nia laran sira bele hetan koinesementu ne’ebe relasaun ho makina sira ne’e, no sira prontu atu bele halo operasaun ba makina refere.” Tenik Claudino

Claudino akresenta, sentru peskiza seidauk iha ekipamentus sira ne’e, entaun ita mai iha sentru peskiza atu bele hare monitorizasaun aktividades peskiza sira ne’e, tamba ita nia sentru peskiza boot liu mak Betano.

ita mai iha ne’e fo mos motivasaun ba peskizador sira, atu sira servisu no hatutan nafatin informasaun peskiza Agricola nian ho rezultadu ne’ebe mak ita nia agrikultor sira iha, nomos bele fo treinamentu ba ita nia agrikultor, estensionista no ajensia sira ne’ebe hakarak treinamentu ba iha relasaun teknologia nian.

 Iha sentru peskiza Betano ne’e atu hare mos ba aktividade ne’ebe maka durante ne’e ita nia Agrikultor no estensionista sira halo, hanesan sira halo peskiza kona ba batar,forerai,foremungu, ho fore no mos konservasaun agrikultura, ho sira ne’e hotu mak ita hala’o iha sentru peskiza ida ne’e.

 

Parseiru ho

© 2023 Ministeriu Agrikultura no Peskas. All Rights Reserved. Designed by IT MAP

Search

Login