Liquiça- Ministériu Agrikultura e Peskas servisu hamutuk ho Ajensia Banku mundial liu husi SAPIP kontinua Lansa projeitu Hasa’e produtividade Agrikultura Sustentavel (HAPAS) ba dala ikus iha Loes.
Orsamnetu ba projeitu HAPAS ne’e mai husi fundu Global fundamental maibe Governo mos tau osan ba tekniku sira ne’ebe servisu husi parte Governo ne’e Governo rasik mak selu, orsamentu husi Banco Mundial hamutuk $. 21 Miloens tau humutuk ho osan hodi hala’o programa refere, hateten Ministro Agrikultura e Peskas Estanislau Aleixo da Silva, iha loron Sabadu (07/04/18) iha Loes.
Nia esplika, extensionista sira Governu mak selu maibe hola parte mos iha projeitu ne’e, osan ne’ebe Governo tau hamutuk ho Banco Mundial ne’e osan boot tebes, parseiru sira ne’ebe tau hotu osan mak analiza osan liu husi Banco Mundial depois mak sira mai implementa programa HAPAS ne’e iha Timor Leste.
Neduni Governu hakarak implementa ho diak programa HAPAS e wainhira osan Banco Mundial ne’e hotu ona oinsa mak bele fo kontinuasaun ba futuru.
Iha fatin hanesan Reprezentante Banco, Mundial Maria Isabel Alda da Silva hateten katak, progressu agrikultura sustentavel ne’ebe alkansa tiha ona, hahu kedas ona husi indenpendensia neduni objektivu husi programa ne’e atu hetan Agrikultura Global Siguransa Ai Han (GAFSP).
Atu kontribui servisu guvernu ho parseiru dezenvolvevimentu inklui komunidade sira atu lori mudansa ne’ebe signifikante iha ifisiensia no impaktu husi programa agrikultura atu hare ba nesesidade komunidades agrikultor sira iha nasaun ida ne’e.
“Hau kontente tebes tamba bele halo Lansamentu Projetu HAPAS nian iha Loes ne’ebe ba dala ikus, ami nia mehi mak Mundu Livre husi Kiak no ami hatene katak dezenvolvevimentu seitor agrikultura mak sai hanesan instrumentu ida ne’ebe forte atu bele hamenus kiak, hasae rendimentu no haburas ekonomia.” Katak Reprezentante Banco Mundial
produktividade agrikultura ne’ebe sei ki’ik no malnutrisaun mos sei aas, difikuldades assesu ba merkadoria, maibe ida ne’e hotu dezafius ne’ebe Banco Mundial hatene diak, ami iha peritus iha area ida ne’e ne’ebe bele mos aplika iha Timor-Leste.
hanesan Parseiru ba tempu naruk, ami bele fo apoiu ba komunidade hodi hasa’e produktividade no seguransa ai han, ami mos bele halo promosaun ba ai-han sira ne’ebe ho nutrisaun aas no tahan ba mudansa klimatika, ita bele servisu hamutuk atu promove planeamentu ba Basias hidrografikas iha nivel komunidade, nomos fo oportunidade ba investimentu ne’ebe suporta aspirasaun mane no feto agrikoltores, nomos ba foin sae sira.
Ohin loron ne’e hanesan pasu dahuluk husi programa ba tempu naruk nian, programa tinan 6 nian, loron ohin ita hala’o lansamentu ba dala ikus nian husi fatin 4 area Bacias Hidrografikas, Banco Mundial espera katak tuir programa ida ne’e nomos servisu hamutuk ho Ministeriu atu ajuda hamenus kiak no fahe prosperiedade ekonomia iha futuru.
Reprezentante Administrador Municipio Liquiça, Domingos da Conceiçao Husu ba Ministeriu da Agrikultura servisu hamutuk ho SAPIP ne’ebe husi Bancu Mundial nian ne’ebe maka inisia programa ho Basias Hidrografikas parte Loes nian, fiar katak liu husi programa ida ne’e bele hadia komunidade sira nia moris iha vida Agrikultura.
Ami agradese tamba hetan mos projetu ida ne’e wainhira mak atu hasae produtividadi Inan Aman sira iha vida Agrikultura nian, ita hatene katak iha Timor Leste boot mak agrikultura neduni iha ami nia munisipiu liquica projetu ne’e iha postu 2, postu Maubara no postu Liquica postu administrativu liquica suku 1 suku Letela e postu adminitrativu maubara suku 3 mak hanesan Gicu,Gubleur no Lisadila.
Iha programa lansamentu ne’e mos hatudu expo konaba atividade peskiza nian, Xefe departamentude Solo e Nutrisaun das Plantas, Gilberto Dos Santos hatutan, expo ne’ebe mak halo husi Diresaun Nasional Peskiza ami halo hamutuk ho Lansamentu programa SAPIP ne’ebe hetan apoiu husi Banco Mundial atu hasae prudusaun Agricola iha area Basias Hidrografikas ba Municipio ha’at (4), hanesan Lautem suku Raumoco, Ainaro suku Belulik kobre to Munisipiu Covalima, Loes kobre husi Liquica Ermera no Bobonaro, ho Tono Oecusse.
Objektivu Expo ne’e atu publika ita nia peskizadór sira nia servisu saida deit maka sira halo, rezultadu peskiza ne’ebe sira hatudu mak hanesan Poster,Buletin,Brosura e promosaun ne’ebe mak sira hetan husi komoditi oin-oin ne’ebe mak mai husi tipe legumes no sereal sira inklui mos husi parte solo nian ba iha konservasaun rai no konservasaun ba plantas.
