Loes-MAP liu husi Direcção Nacional da Pesquisa, Estatistica e Informação Geografica halo demostrasaun ba variedade, kultura no ai-horis lubuk ida husi departementu 5 ba representante agrikultór hamutuk 400 husi munisipiu 3 hanesan Maliana, Ermera no Liquisa. Loron 15/3/18 iha Loes-Liquica.
Claudino Ninas Nabais, Diretór Nacional da Pesquisa, Estatistica e Informação Geografica iha intervista katak demostrasaun ne’e iha relasaun ho peskiza ne’ebé mak pesquisador sira halo ona iha tinan barak nia laran ba variedade, kultura no ai-horis lubuk ida. Agrikultór hakarak hetan informasaun konaba rezultadu peskiza nian, hanesan husi Dept. Criação e Produção aprezenta konaba variedades foun ne’ebé ita lansa liu-liu ba variedade batar, koto, foremungu, hare, fehuk, aifarina no mos forerai nian “ita hare husi A nian agrikultór sira hakarak teb-tebes atu hatene informasaun saida mak iha relasaun ho variedades ne’ebé ita nia Ministériu Agrikultura lansa tia ona, ita nia pesquisador sira peskiza dau-dauk variedades lubuk ida no hatudu nia karakter ne’ebé atraktivu tebes, entaun dada ita nia Agrikultura sira hakarak hetan informasaun hirak ne’e tamba durante ne’e kestoes sira ne’e sira hasoru iha moris lor-loron”.
Alende ida ne’e diretór mós hatutan, iha parte solo nian mak demostra instrumentu ki’ik oan balun ne’ebé fasil atu ita nia Agrikultór sira bele utiliza liu-liu atu sukat rai nia bokur iha rai nia laran hanesan Hidrogeniu, Fosforu ho Potasium nudar elementos importantes sai hanesan ai-han ba ai-horis nian, “ita nia kolega sira servisu iha área solo nian no mos partilizasaun nian, plantas nian, ohin sira halo esplikasaun klean liu konaba instrumentu/ekipamentu sira ne’ebé sira halo demostrasaun. Parte solo nian uza du’ut vitiver ne’ebe kaer metin ba rai nune’e mos parte importante ida para bele kaer rai no mos intrumentos balu ne’ebe mak iha relasaun ho teste ba rai nian”
Diretór mós salienta, husi Dept. Algis demostra konaba relasaun ho Agrometeorologia ne’ebe establese estasaun Agrometeorologia lubuk iha teritoriu Timor laran tomak, no oinsa ita bele rekolha dadus, produs dadus no analisa dadus sira e depois desemina dadus sira ne’e ba agrikultór sira, Nune’e mós husi Dept. Post koileta nian demostra konaba hare ne’ebé dulas ho kualidade diak, porsentajem hira mak tohar, oinsa mak ita bele dulas no hetan fo’os/hare ne’ebe ho kualidade diak, hanesan mós prosessamentu ba ai-han balu ne’ebe mai husi aihoris sira no lolos ne’e ita nia agrikultór sira bele kuda, nune’e mós konaba plactoxin hanesan moras prinsispal ne’ebé ataka ba aihan li-liu ba batar no forerai, ita nia peskizador sira hakarak esplika ba ita nia agrikultor sira para oinsa ita nia agrikultor sira bele kuida di-diak ba hahan sira ne’ebe prinsipal li-liu maka batar no foreraai ne’ebe fasil atu ataka husi moras ida naran bulor no aplatoksin. Iha area pekuaria nian hatudu oinsa habokur karau no habokur Fahi husi ha-han lokais ne’ebé ita nia agrikultor sira bele hetan bele dezenvolve hodi habokur karau, habokur fahi.
Partisipa iha serimonia ne’e husi representante agrikultór hamutuk 400 husi munisipiu 3 hanesan Maliana, Ermera no Liquisa, staff tekniku no Peskizador sira.
