Dili – Durente ne’e Ro Hong Long Fisheries hala’o nia atividade kaer ikan iha parte costa sul ka tasi mane ne’e legal maibe nia lisensa remata ona iha tinan 2017 neduni kompañia ne’e hakarak halao fali nia atividade babain entaun tenki renova fila - fali lisensa atu hala’o fali atividade hanesan babain.
Ministro Agrikultura e Peskas (MAP), Estanislau Aleixo da Silva, iha kinta-feira (1/3/18) hateten, Ro Hong Long halo investimento ne’e hetan lisensa husi guvernu Timor-leste liu husi MAP tanba sira selu tuir lisensa ne’ebe maka sira iha.
Nia relata, agora dadauk ro hirak ne’e la halao operasaun no sei para hela, se kuandu sira kontinua halo fali operasaun entaun tenki iha kontrato foun no nia reseita tama ba kaixa estadu.
“Ami fo ona desizaun husi Konselhu Ministru nian, prosesu hala’o ne’e bazeia ba informasaun ne’ebe mak ami simu, maibe la laiha konfirmasaun dadus konkretus, ita la bele husik hela ro sira ne’e paradus hanesan ne’e deit, ne’e dunik tenki lori asuntu ne’e ba Konsellu Ministru e Konsellu Ministru rasik deside, no Primeiru Ministru rasik hakerek karta ba prokuradór da republika e karta ne’e mos ami simu husi prokuradór jeral da republika bazeia ba desizaun Konsellu Ministru karta husi prokurador da republika ne’e mak ami deside katak suspende ne’e remata ona’’,tenik Ministru.
Nia hatutan, Agora sira hakarak kontinua fali ho investimentu ne’e sira tenki hatama fali pedidu foun husu lisensa para hodi halo operasaun peskas iha ita nia tasi mane, prekupasaun ba MAP maka ohin loron iha ita tasi mane peskas ilegal barak demais no aumenta ba bebeik.
Se sira hakarak renova sira nia lisensa, governu aseita tuir kiterius foun ne’ebe ministeriu hanoin atu tau para pesk as ne’e hodi sustentabilidadi ba oin.
Ne’e dunik ba kompañia sira ne’e mak hakarak halo renova no ne’ebe mak iha interese hakarak renova Ministériu hare fali halo fali avaliasaun depois mak deside atu fo lisensa ba sira.
Prosesu investigasaun kriminal ruma ne’e kontinua nafatin ro sira ne’e la bele paradu hala’o sira nia atividade, tanba sira mos mai operasaun iha ita nia rai, kustu opererasaun ne’e sira selu hotu, ro sira ne’e la bele paradu.
Relasaun guvernu Timor leste ho Guvernu Xina lao ho diak, Ministro Xina rasik hakerek karta mai hau dehan ro sira ne’e foun, ministru Xina hatete hanesan ne’e ita timor mos halo parte unidade internasional para halo relasaun diplomatika diak mos ho Xina. Realsa Nia
Durante ne’e ro ilegal barak mak tama mai timor no ativiadde ilegal iha parte tasi mane no la konsege hetan buat ida husi ro hirak ne’e, entaun ita nia hanoin fo lisensa ba ro hong long 15 ne’e hala’o nia ativiadde peskas para ro ilegal sira bele tauk no hasees an husi fatin ne’eba.
Ro ne’ebe agora dadaun hala’o operasaunn iha Timor ne’e iha ro 3 no konpañia 2 hala’o mak hala’o nia atividade maka Best Sea Food no Hong Long maibe ita sei halao suspensaun maibe Best Sea Food mak halao hela nia operasaun.(Tyfa)
