Ministeriu Agrikultura no Peskas servisu hamutuk ho Nasaun Korea do Sul hodi harii Instituisaun Nasional das Peskas no Aguakultura (National Institute of Fisheries and Aquaculture of Timor Leste) ne’ebe Inagura iha loron kinta-feira (22/2/18) iha Munisipiu Lequiça posto Administrativu Maubara.
Objetivu husi hari Centru ne’e atu bele kapasita joven ne’ebe mak atu ba hala’o servisu iha rai liu hanesan iha nasaun Korea do Sul no Estensionista sira iha Timor Leste inklui fatin ba estudu i mos peskiza ba dezenvovimentu AquaKultura nian.
Ministru Agrikultura no Peskas Estanislau Aleixo da Silva, agradese tebes ba guvernu Korea liu husi programa Koica ne’ebe harii Institutu Nasional das Peskas e Aquikultura (NIFA )ne’ebe sai hanesan fatin treinamentu ka hasae kapasitasaun ba joven sira inklui Estensionista.
Nia mos agradese ba veternus sira husi Munisipiu Liquiça ne’ebe konsege entrega nia rai hodi harii sentru iha Maubara iha mos iha fatin seluk hanesan iha Loes Lisadila ne’e hakiak Boek no ika tilapia.
Alende ne’e, Primeiru Ministru RDTL Marii Alkatiri iha nia deskurus serimonia Inagurasaun centru NIFA iha Maubara katak, Hanoin sustentabilidade sentru ida ne’e lebele hein deit orsamentu husi estadu, ita tenki iha kapasidade oinsa produs joven sira para sira bele produz ikan atu nune’e bele faan, e aban bairu harii tan sentru ida konaba produsaun batar no buat sira seluk.
Primeiru Ministru mos afirma tan, liu husi inagurasaun sentru ne’e ita labele garantia bebeik ita nia maluk sira husi Korea maibe ita mos tenki aprende husi maluk korea sira saida mak sira hanorin ita, mos tenki hatene positivu responsabilidade halo hanesan sira halo ou ita mos bele halo liu fali sira hanorin ne’e iha ita nia rain rasik, ne’e hanesan dezenvolvimentu infrastrutura ida ne’ebe mak ita simu ho kontenti.
Agora dadaun implikador sentru ne’e furak tebes tanba sentru ne’e atu produs fini ikan hodi fahe ba produtores privadus atu nune’e sira fo fali servisu ba komunidade ou joven sira laos atu servisu hein deit guvernu loke tan sentru hat ou sanolu tan mak ia bele servisu maibe liu husi produtores privadu isra mos loke ona servisu ba joven, ita tenki iha inisiativa atu parende rasik hodi sai implikador ne’ebe inportante, problema boot ne’ebe mak timor oan sira hasoru mak mal nutrisaun maibe liu huis atividade no inisiativa hakiak ikan ita bele hadia ona nutrisaun iha rai laran.
Iha parte seluk, Diretór Jeral Peskas, Acaçio Guteres iha nia intrevista foin lalais ne’e iha nia servisu fatin MAP Comoro-Dili hateten katak, Governu Korea hakarak investe iha fatin ne’e tanba tuir ita hotu hatene katak Timor oan barak maka servisu iha Korea, no sira ba ne’e domina de’it lingua, maibe sira nia abilidade tekniku ne’e la dun iha, tanba ne’e kuandu sira to’o iha ne’eba sira kategoria tama iha salariu anskill signifika katak salariu minimu liu.
Nia mos hatutan, Fatin ne’e mos atu halo kapasitasaun ba Rekursus Humanus atu nune’e antes sira atu ba ne’e sira mos iha ona sira nia abilidade.
Fatin kapasirasaun ba Rekursus Humanus ne’e iha faze rua: longo prasu no mos curto praso. Curto praso ne’e ita atu aumenta tan konhesementu ba ita nia tekniku sira iha Ministeriu rasik no mos estensionista sira. Longo praso ne’e maka ita atu forma ita nia jovem sira ne’ebe maka atu ba servisu durante fulan ha’at ou fulan ne’en nia laran.
Fasilidade ne’ebe maka iha tuir padraun Internasional, kuandu treinu iha ne’e, hanesan mos treinu iha Korea, fasilidade sira ne’ebe uza iha industria AquaKultura ninian durante iha Korea ne’ebe maka ita nia Joven sira servisu ba kuaze hanesan de’it.
“ Presiza fo treinamentu uluk ba Ita nia Joven sira antes sira ba, ita mos sei hetan nafatin apoiu professores ou formador sira husi Korea ninian durante tinan ida no sira nia sistema mos kapas tebes tanba buat hotu lao tuir disiplina, tanba ne’e ita presiza adapta sira nia sistema ne’e rasik” . Tenik Acaçio Guteres.
Prosesu estebelesemntu instituisaun ne’e MAP servisu hamtuk ho SEFOPE no agora muda ona ba SEJT tenba formasaun joven sira ne’ebe mak atu ba sevisu iha Korea ne’e prosesu liu SEJT tanba joven sira tuir kursu ou formasaun teoria husi neba no MAP so fasilita oinsa atu fo treinu parte fisiku nian.
Ita mos tau ona orsamentu ba tinan 2018 maibe hanesan ita hotu hatene katak Orsamentu Jeral seidauk aprova, entaun ita hein katak Governo Foun mai bele aprova orasamentu para ita bele kontinua fo treinamentu ba ita nia Joven sira. Ami mos sei tur hamutuk ho Coica atu bele hare jestaun ida ne’e tanba ne’e Governu Timor no Coica maka sei hare hela konaba ida ne’e, kuandu sira hare ita bele ona hamrik mesak bele ona hafoin sira bele husik ita jere mesak.
Total orsamentu ne’ebe maka aloka ba centru NIFA hamutuk $. 6 milioens maibe orsamentu ne’e fahe ba parte rua mak hanesan, $. 4 milioens ba konstrusaun fiziku $. 2 milioens ba treinamentu ba professores sira no mos apoiu ba tekniku sira husi Korea rasik.
Centru refere ho nia medidas luan tebes iha unidade ba be’e midar nian iha mos parte tasi be’en nian mos laboratoriu inklui iha mos dormitoriu ba feto nain 12 mane 24, iha mos salaun bo’ot tolu ba fatin diskusaun nian.
Liu husi koperasaun ida ne’e, MAP mos rekruta tan formador nain 8 husi Timor nian rasik liu husi selesaun ne’ebe maka Koreano sira halo nain 8 maibe nain 5 husi liur nain 3 ne’e Funsionariu MAP nian rasik, sira nain 8 ne’e rasik hetan ona formasaun durante fulan rua iha rai laran ao mesmo tempu sira mos ba tuir tan formasaun iha Korea do Sul entretantu sira nee’ maka sei apoiu iha centru refere.
