Projeitu JICA iha area agrikultura tinan ida ne’e haluan tan area kultivu iha Minisipiu Maliana ho objetivu ida atu fo kuiñesementu tekniku kultivasaun no mos eduka sira oinsa atu maneja sira nia natar liu-liu oinsa atu kontrola du’ut iha agrikultor sira nia natar rasik.

Programa iha tinan ne’e kontinua hili tan grupu agrikultór hamutuk 42 atu nune’e bele habelar liu tan atividade ba tekniku kultivasaun ne’ebe diak no hasae kresimentu ekonomia liu husi kuda hare ho sistema ne’ebe diak.

 Pèritu tekniku kultivasaun  husi  nasauan Japaun, Nariyoshi Odashima, iha loron 30/2/2018  iha Maliana  hateten katak,  agora dadaun Projetu implementa ona ninia atividade ba agrikultòr 10 husi agrikultòr 42 ne’ebè mak sai  nu’udar alvu ba Projetu èpoka primeiru, durante implementasaun husi Plot Komparasaun ne’e rasik.

Projetu ne’e  sei kontinua fornese asistènsia tèkniku ba agrikultòr sira kona-ba maneira saida mak tenke hala’o tuir mai liu-liu kona-ba kontrola bee no du’ut. Iha tempu ne’ebè hanesan.

Nia informa liu tan,  Projetu sei kontinua serbisu hamutuk ho agrikultòr tuan sira hodi asegura katak sira aplika nafatin tèkniku sira ne’ebè hanorin husi Projetu iha sira nia natar no fahe esperensia ne’ebè sira hetan husi Projetu ho agrikultòr sira seluk iha fatin ne’ebà.

Agrikultór foun ne’ebé partisipa iha atividade Projetu ne’e  intersante tebes ho efetividade husi Markadór Liña depoiz sira koko rasik instrumentu ne’e ekipamentu ida ne’e serbisu lalais liu hodi kuda liña kompara ho uza tali.

Iha fatin hanesan,  Ermelinda Baros  nudar agrikultor  agrikultór  husi suku Holsa haksolok tebes atu uza Markadór Liña ba dahuluk hodi marka ninia natar. Nia mós koko rasik efetividade husi instrumentu ne’e liu husi destaka ema nain rua ba kada kabubu husi plot komparasaun, rezultadu prova katak traballadór ne’ebé destaka iha kabubu ne’ebé aplika kuda liña ramata serbisu  lalais liu dúke traballadór ne’ebé destaka iha kabubu ne’ebé kuda babain.

Ermelinda nota  katak karik nia aplika kuda liña iha nia natar, nia sei hasai osan menus hodi freta ema atu kuda.

Alende ne’e,  Manuel Pereira  tinan 40 nudar  agrikultòr  ne’ebè natar besik ho  voluntariamente husu atu partisipa iha Projetu  Plot Komparasaun depoiz observa rasik efetividade husi Markadòr liña. Nia  gosta tebes atu uza ekipamentu ne’e iha ninia natar. (Fernando Fontes/ Staff JICA)