Likisa,(18/2/2025), Ministériu Agrikultura Pekuária Peska no Floresta liu husi programa Sustainable Agriculture Productivity Improvement Project (SAPIP) distribui ekipamentu agrikola hanesan Tratór liman unidade neen (6), Makina koa hare unidade neen (6) no makina kuda hare unidade sanulu-resin-rua (12) ba grupu benifisiáriu hamutuk neen (6). Serimónia entrega ekipamentu ne’e realiza iha resintu Servisu Agrikultura Municipal Agrikultura Likisa.
Ministru Agrikultura Pekuária Peska no Floresta, Marcos “MAMETA” Da Cruz esplika, ohin Ministériu fahe ekipamentu agríkola modernu hanesan, Makina kuda hare unidade 12, makina koa hare 6 no tratór iha 6 inklui bandeza fini hare nian kauze atus rua ba grupu benifisiariu 6 ho objetivu atu aumenta produsaun rai laran atu bele reduz kustu servisu iha kampu, grupu sira ne’e iha postu adminitsrativu rua mak Loes no Likisa Vila.
Ministru Hatutan, Ministériu apoiuiha parte fila rai ho tratór liman maibé durante ne’e agrikultór sira kuda hare lakon kustu barak ne’eduni apoiu mós makina kuda hare no koa hare nian atu nune’e agrikultór sira ajuda governu hodi hasa’e produsaun liu-liu iha hare. Totál orsamentu ba sosa ekipamentu sira ne’e kuaze Dolar Amerikanu $. 128.850,00 mill ne’ebé mak hetan apoiu husi Banku Mundial. “ liu husi apoiu hirak ne’e mós parte ida husi Ministériu atu enkoraza joven sira atu fila ba natar tanba durante ne’e joven sira uza de’it ekipamentu tradisionál hanesan, ensada, katana no aisuak entaun dalaruma joven sira kole tanba servisu iha setór agrikultura iha natar, to’os, hakiak animal no peskadór ne’e servisu ida todan maibé liu husi apoiu ekipamentu hirak ne’e bele atria joven sira atu fila ba natar depoiz mak apoiu malu mós iha parte seluk tanba liman ain governian nian mak iha xefe suku ho administradór sira nune’e bele halo komunikasaun diak atu bele apoiu” Tenik Ministru
Iha fatin hanesan Presidenti Autoridade Municipal Likisa, Paulino Ribeiro iha entrevista katak, Munisípiu sei halo kolaborasaun servisu ho Ministério atu halo monitorizasaun no kontrola ba implementasaun Iha grupu neen ne’e atu nune’e hodi haree funsionamentu ekipamentu sira tenki lao duni maibé krik grupu balun mak la utiliza hodi rai de’it mak ekipa fisklaizasaun sei hato’o informasaun ba Autoridade hodi bele orienta diretór servisu municipal nian hodi bele dada fali ekipamentu no entrega fila-fali ba grupu seluk nune’e bele ajuda kresimentu ekonómia lokál no promove produtu lokál hodi fornese programa merenda eskola nune’e labarik sir abele han hahan ne’ebé mak sabór no nutritivu.
Alende ne’e, Xefe grupu Haburas husi lisadila Ventura Mota Maia hatete, senti kontenti bele hetan apoiu ekipamentu sira ne’e Ministériu liu husi SAPIP tanba durante iha tinan barak grupu seidauk hetan ekipamentu modernu hanesan ne’e.
Partisipasaun iha serimónia ne’e, Komandante PNTL Likisa, Komandate F-FDTL destakadu iha Likisa no Administartdoór Postu Administartivu Loes, Programa Manejér SAPIP, Grupu Agrikulór nomós funsionário servisu Agrikultura Municipal Likisa.
