Dili,(18/2/2025), Ekipa Ministériu Agrikultura Pekuária Peska no Floresta hamutuk ho ekipa MEKAE ne’ebé responsabiliza ba assuntu adesaun ba Organizasaun Mundial Komersiu (OMK ) realiza enkontru konaba rekezitus no lei inklui diploma Ministériu nian ba iha agrikultura presiza halo iha tempu badak. Enkontru ne’e realiza iha salaun enkontru MAPPF Comoro.
Ministru Agrikultura Pekuária Peska no Floresta, Marcos “MAMETA” Da Cruz iha entrevista esplika, iha enkontru ne’e koalia konaba dekretu lei ba pestisida, diploma ba SPS nian nomós lei peska tanba ne’e semana oin ekipa sira sei hala’o tan enkontru hodi aprezenta draf lei sira ne’ebé mak Ministériu iha ona, ne’eduni Diretór Geral sira mós ohin hato’o sira nia ideia no hanoin nune’e oinsa mak bele aselera servisu sira ne’ebé mak liga ho Ministériu Agrikultura nian inklui mós rekursu umanu ne’ebé mak sei implementa dekretu lei sira ne’e.
Ministru hatutan, preprasaun ba ba dokumentu sira ba post adesaun OMK ne’e husi parte Ministériu presiza tebes atu aselera nune’e fulan ida ka rua sei bele lori ba aprezenta iha konsellu Ministru atu bele hetan aprovasaun.
Iha enkontru ne’e partisipa husi Diretór Geral Agrikultura café e Plantas Industria, Diretór Geral Corporativu, Diretór Geral Peska, Diretóra Geral Unidade Agrokomersiu, Seguransa Alimentar Cooperasaun no Diretór nasionál sira.
