Baucau,( 14/2/2025). Ministru Agrikultura Agrikultura Pekuária Peska no Floresta Marcos “MAMETA” Da Cruz akompaña husi Diretór Nasionál Irrigasaun hahu loke be iha Irrigasaun Galata ba natar nain sira atu bele utiliza hodi halo natar iha tinan ida ne’e tanba Irrigasaun Galata atinji ona 94% no hela 6% hodi kompleta ba 100% iha tinan ida ne’e sei inagura.
Ministru Agrikultura iha entrevista esplika, konstrusaun ba irrigasaun Galata ne’e Ministério hahu asina kontratu ho kompañia CCECC husi nasaun Xina iha fulan Setembru 2022 hodi konstrui Irrigasaun Permanente no dadaun iha ona progresu 94% ho totál orsamentu Dolar Amerikanu 11 mill ho orsamentu audisional Dlar Amerikanu 2 mill ne’eduni totál hamutuk Dolar Amerikanu 13 mill no konstrusaun ne’e sei inagura iha tinan ida ne’e, ne’eduni iha Ministério hahú loke be ba natar nain sira husi Parte Baucau -Venidade no Viqueque Postu Administrativu Ossu atu bele utiliza hodi halo natar iha tinan ida ne’e.
Ministru hatutan, Benifisiariu ba Irrigasaun Permanente Galata ne’e husi Postu Adminitrativu Haat mak hanesn Postu Administrativu Venilale- Galata, Quelekai, Ossu no Viqueque Vila, konstrrusaun Irrigasaun ne’e remata ona iha parte Weir no Intek maibé Kompañia presiza atu hadia oituan mak odamatan be nian, konstrusaun Irrigasaun ne’e kualidade no diak tanba iha tempu udan laiha problema maibé iha de’it problema ho dalan hodi asesu irrigasaun ne’e tanba rai monu no Ministério Espera katak konstrusaun ne’e sei remata tuir kontratu ne’ebé mak iha. Irrigasaun Galata fornese be ba natar kuaze ektare 600 resin, antes irrigasaun ne’e konstrui komunidade sira halo natr iha área Oebaba no galata ne’e rasik kuaze ektare atus rua de’it maibé Ministério konstrui tia irrigasaun permanente ne’e sei ativa fali natar sira ne’ebé mak durante ne’e abandona.
Iha fatin hanesan, xefe suku Uatu’wa Postu Administrativu Venilale Crisjomson Coreia agradese no kontenti tebes ba esforsu governu tanba bele kanaliza be na natar sira nune’e natar sira ne’ebé mak abandona bele reativa fali.
Nune’e mós Edmundo Coreia hanesan natar nain iha aldeia Uanisi suku Oebobo postu administrativu Ossu Munisípiu Viqueque ne’ebé mak sai benifisiáriu ba irrigasaun galata ne’e agradese no apresia ba governu ida ne’e tanba Ministério Konstrui irrigasaun galata ne’e bele fornse be mós ba ami agrikultór sira hodi bele halo natar fila-fali.
Iha vizita ministru ba irrigasaun galata ne’e, Aumezmu tempu ministru mós vizita Sentru Floresta ne’ebé mak sei iha prosesu konstrusaun inklui vizita sentru fini ikan peska iha Vemase Baucau,Ekipa DMEA.
