Baucau,(17/2/2025, Ministério Agrikultura Pekuária Peska no Floresta Liu husi Diresaun Nasionál Agrikultura Hortikultura no Protesaun das Plantas distribui tan tratór liman unidade hat no fini hare variedade nakroma 375 kg ba autoridade lokál atu bele distribui ba grupu natar na’in sira iha suku vemase villa postu administrativu vemase.
Iha serímonia entrega tratór no fini ne’e Presidenti Repúblika José Ramos Horta esplika, Aumenta produsaun ne’e inportante tanba tinan-tinan Timor-leste sempre halo inportasaun fos husi rai liu ho númeru ida ne’ebé mak boot, ba buat ne’ebé mak ita presija han nian ne’e tenki mai husi liur ne’eduni programa guvernu ne’ebé mak halo hodi tau orsamentu ne’e nune’e agrikultór sir a bele fila ba natar no to’os maibé ho apoiu tékniku huis governu mak estrad rural no nasional tanba ne’e inportante ba komersiu no agrikultór sira ne’ebé mak produz ai-han no hakiak animal sira fasil atu lori ba merkadu.
Ministru Agrikultura Pekuária Peska no Floresta Marcos “MAMETA” Da Cruz , iha serimonia entrega ekipamentu ne’e esplika, setór agrikultura ne’e inportante tanba ne’e Ministério mai hodi entrega tan tratór no fini ba agrikultór sira liu husi Autoridade lokál sira tanba natar sira iha parte vemase ne’e balun abondona kleur ona maibé dadaun ne’e ativa fali ona tanba be tama hotu ona. Nia hatutan, rai balun ema hahu halo negosíu nomós hari’i uma iha natar laran ne’eduni Ministério esforsu oinsa mak bele reativa fali rai sira ne’ebé mak abondona sira ne’e ne’eduni fatin ne’e konsege kanaliza be husi mota Wailakama liu husi mota rua mak be ne’e bele to’o iha vemase parte tasi ne’e tanba komunidade iha parte vemase ne’e komunidade ida ne’ebé mak badinas.
Presidenti mós hatutan, husu ba governu xina atu apoiu Timor-leste hodi hetan hahan ida ne’ebé mak soberania maibé Indepensia soberania ida mak laiha hahan ne’e Indepensia ida ne’ebé mak lavale buat ida, tanba ne’e nu’udar Presidenti akompaña serimonia entrega tratór ne’e tinan oin fos iha suku vemase bele produz barak ona komapara ho suku seluk.
Iha fatin hanesan, Presidenti Autoridade Municipal Veneranda Lemos hateten, agradese ba Ministério nia servisu maka’as hodi haree setór agrikultura ne’ebé hanesan setór ida diak tebes hahu husi tinan kotuk to’o agora maske seidauk totál maibé komunidade iha Munisípiu Baucau komesa senti ona katak be hahu tama dadaun ona natar no tratór sira mós hahú halo servisu ona.” Hahú husi IX governu ministru agrikultura hala’o vizita iha fatin-fatin atu nune’e bele haree irrigasaun sira hodi bele kanaliza be ba natar sira no dadaun ne’e iha parte vemase natar sira ne’ebé mak abandona hahu reativa fali tanba ne’e ha’u husu mós ba Presidenti Repúblika katak iha Baucau nafatin enkoraza maluk sira ne’ebé mak servisu iha natar liu-liu ba xefe suku no Administradór postu sira katak agrikultór sira sai nafatin liña dahuluk nune’e iha aban-bairua Baucau sei reduz inportasaun fos iha Munisípiu refere”. Tenik Nia
PAM mós hatuta, Vemase hanesan odamatan boot tama mai iha Munisípiu Baucau nian ne’eduni setór agrikultura hahu hsui vemase to’o iha Baquia natar sira ne’ebé mak abodona hahu bok fali ona maske seidauk hotu tanba Governu liu husi Ministério Agrikultura hahú konstrui ona irrigasaun boot no permanente nomós iha tempu badak sei konstrui tan Irrigasaun boot ida iha parte Uatu Wa’a nian ne’eduni hamutuk ho Diretór muniípiu no estensionista sira hosi esforsu kanaliza be ba natar sira hotu iha Baucau nune’e bele hasa’e produsaun iha rai Baucau.
Munisípiu Baucau iha fulan kotuk hetan apoiu husi MAPPF iha tratór liman unidade 30 no tratór boot 5 atu bele apoiu komunidade Baucau iha área agrikultura.
