Baucau, (17/2/2025), Presidenti da Repúblika José Ramos Horta akompaña husi Ministru Agrikultura Pekuária Peska no Floresta Marcos “MAMETA” Da Cruz nomós Presidenti Autoridade Municipal Baucau Veneranda Lemos Vizita konstrusaun irrigasaun permanente hodi haree direta prosesu konstrusaun irrigasaun galata tanba ida ne’e hanesan esforsu governu nian hodi kontratu ho kompañia ba obra ne’e, tanba obra ne’e husi VIII govrenu no kontinua implementa iha XI governu nian no dadaun ne’e konstrusaun atinji ona 94%.
Iha entrevista Presidenti da Repúblika esplika, antes obra ne’e hahú governu estuda uluk ona nune’e buat hotu konaba kontrusaun bazeia ba lei no regras ne’ebé mak iha tanba kontratu ba obra ne’e liu husi tribunal da kontas ne’eduni obra ne’e inportante tebes ba ekonomia nasaun nian liu-liu ba agrikultór sira tenki tuir siensia foun sira hatudu oinsa atu halo natar tanba ne’e agrikultór presiza irrigasaun nune’e iha tinan ida bele kolleta dala ida ou rua. “ ha’u hakarak mai haree ho matan esforsu ne’ebé mak governu halo ne’e buat ne’ebé mak positivu tanba kontinuadade husi governu id aba governu seluk tanba ne’e mak ha’u fo parabens ba IX governu ne’ebé mak hahu ezekuta projetu ida ne’ebé mak boot tanba bao in bele hadia agrikultór sira-nia vida”. Tenik Presidenti
Presidenti mós hatutan, projetu ne’e boot no diak ba agrikultura tanba maiorio povu moris iha vida agrikultura ne’eduni governu esforsu hodi halo estudu ida hodi apoiu agrikultór sira entermus tékniku nune’e fasilita agrikultor sira hodi kuda tinan id abele kolleta dalarua tanba kompara ho nasaun seluk tinan ida bele kolleta dala 3 maibé tanba natureza iha Timor mak hanesan ne’e, tanba ne’e ezekusaun dezenvolvimentu presiza buat barak.
Iha fatin hanesan Ministru MAPPF realsa, vizita presidenti ne’e atu haree direta projetu irrigasaun ne’e tanba ne’e Presidenti Autoridade Municipal Baucau mós akompaña Presidenti hodi mai haree tanba irrigasaun ne’e iha semana kotuk hahu loke ona be ba natar nain sira atu hahu halo natar iha tinan ida ne’e. Nia hatutan, total orsamentu ba projetu ne’e iha Dolar Amerikanu $. 11 mill maibé tanba dezeñu ba projetu ne’e hahu iha tinan 2009 ne’eduni iha mudansa barak ba kanál irrigasaun ne’eduni iha aumenta orsamentu audisionál ho montante Dolar Amerikanu $. 2 mill ne’e presiza aprovasaun husi ADN ne’eduni ba projetu ne’e totál hamutuk Dolar Amerikanu $. 13 mill.
Ministério nia parte esforsu hela atu bele heta aprovasaun ba orsamentu audisionál refere nune’e kompañia sira halo remata konstrusaun ne’e tuir kontratu ne’ebé mak iha, irrigasaun ne’e bele fornese be ba natar kuaze ektare 600 tanba natar sira ne’ebé mak abondona durante ne’e bele reativa fali.
Edmundo Coreia hanesan natar nain iha aldeia Uanisi suku Oebobo postu administrativu Ossu Munisípiu Viqueque ne’ebé mak sai benifisiáriu ba irrigasaun galata ne’e agradese no apresia ba governu ida ne’e tanba Ministério Konstrui irrigasaun galata ne’e bele fornese be mós ba ami agrikultór sira hodi bele halo natar fila-fali.Ekipa DMEA
