Baucau 27/2/2025, Deputadu husi Komisaun D Parlamentu Nasionál halo fiskalizasaun ba projeitu irrigasaun ne’ebé mak Ministério Agríkultura Pekuária Peska no Floresta halo konstrusaun hahu iha tinan 2022 ate 2025 ne’e hodi haree direta prosesu konstrusaun ne’ebé atinji ona94% iha Galata- Venilale.
Ministru Agrikultura Pekuaria Peska no Floresta, Marcos “MAMETA” Da Cruz hatete, deputadu husi Komisaun D ne’ebé mak halo fiskalizasaun ne’e kna’ar deputadu sira nia hodi haree direta fizíkamente projetu irrigasaun ne’e tanba irrigasaun ne’e konklui ona 94% ho orsamentu tuir kontratu iha $.11 mill tanba dezeñu BOQ ne’e hahu iha tinan 2009 no governu agora kontinua de’it obra ne’e tanba infrastrutura basíku hanesan irrigasaun ne’e inportante tebes, benifisiariu ba irrigasaun ne’e iha postu administrativu haat hanesan Ossu, Qulecai, Venilale no Baucau Vill.
Ministru hatutan, Iha konstrusaun ba irrigasaun ne’e iha parte tolu mak hanesan, barazen, intek rua no nia bokadura rua nomós kanál irrigasaun dahuluk no daruak nian tanba ne’e balun mak sei presiza atu hadia diak liu tan antes kontratu remata.
Iha fatin hanesan, Depatu Antonino Bianco iha entrevista depoiz halo fiskalizasaun ba projetu Irrigasaun ne’e esplika, deputadu sira realiza fiskalizasaun ne’e tanba bazeia ba pedidu husi lider komunitaria sira liu-liu agrikultór atu bele haree situasaun real ne’ebé mak liga ba Irrigasaun Galata tanba projetu irrigasaun ne’e hahu iha governu anterior no kontinua iha governu ida ne’e hanesan projetu ida ne’ebé mak multi annual ne’eduni konstrusaun ne’e labele finaliza iha tinan ida maibé tenki tinan rua ka tolu. Nia hatutan, Ministério Agrikultura husu tan osan audisional ba projetu ne’e $. 2 mill entaun totál osan ba projetu konstrusaun ne’e iha $.13 mill tanba iha mundansa ba Dezeñu hodi aumenta kanál irrigasaun maske inisíu kontratu ho kompañia Xina ho totál osan $.11 mill.
Deputadu ne’e realsa, objetivu prisipál ba fiskalizasaun ne’e hodi progressu ba Projetu ne’e to’o ona iha ne’ebe tanba ho udan ne’ebé mak mai hela de’it hodi afeita mós ba dalan hodi asesu ba irrigasaun ne’e kotu barak tanba ne’e konsekuensia husi dezenvolvimentu banhira halo projetu ekipamentu pezadu sira tenki sobu no fokit ai-hun boot sira entaun ida ne’e mak afeita hodi ba rai monu no dalan sira kotu. Fiskalizasaun hosi deputadu sira ba to’o iha Intek irrigasaun depois kontinua haree direta kanál irrigasaun iha parte Oebobo nian ne’ebé mak tama iha postu administrativu Ossu Munisípiu Viqueque nian. Irrigasaun ne’e hahu loke ona be ba natar nain sira ne’ebé mak hakarak halo natar no kuda hare la presija hein to’o tempu inagurasaun mak foin loke be.
Kualidade ba konstrusaun projetu ne’e diak maibé presija hadia tanba parolon balun ne’ebé mak ladun diak (intupidu) maibé buat sira ne’e akontese tanba erosaun husi udan boot.
Alende atividade fiskalizasaun ne’e Ministru MAPPF hamutuk ho Deputadu sira kontinua kolleta Buah Naga iha Venilale Munisípiu Baucau. Ekipa DMEA
