Ministério da Agricultura e Pescas liu husi Projetu SAPIP ohin lansa seremonia entrega ekipamentu motorizada ho tipu Megapro ba Oficial nain 5 husi projetu SAPIP. Seremonia ne’e realiza iha loron 13/12/2017 iha edefisiu MAP Kumoro, Dili. Objetivu entrega Motorizada hodi fasilita implemetasaun servisus ba aktividade Agricola nian iha minicipiu sira ne’ebe hanesan Alvu ba Projetu refere . Seremonia Lansamentu nee partisipa husi Ministru Agricultura Interinu , Sekertario Geral MAP nudar Project Maneger ba Projetu SAPIP , Xefe Gabinete Ministru Agricultura no Konsultor husi Projetu SAPIP .
Sekretario Geral Ministerio Agricultura Ir. Cesar Jose da Cruz katak objetivu fahe Motorizada nee hodi fo apoiu ba Servisus Aktividade Agricola. Servisu aktividade ne’ebe mak sei halo mak Agricultura integrada ho valor audisional ingklui merkado husi produtu hotu hotu ne’ebe mak iha timor leste atu hetan rendimentu ekonomiku ne’ebe diak .
Projetu SAPIP hahu realiza iha 2016 ne’ebe Governu timor leste liu husi Ministeriu Agricultura e Pescas asina akordu ho Banku Mundial ba projetu ida hanaran Sustentability Agriculture Improvment Project ( SAPIP ) ka hasae produsaun Agricultura Sustentavel. Projetu nia durasaun ba tinan 6 hahu husi 2016 to 2022. Projetu nee sei implementa iha Basias Hidrografika 4 hanesan Loes ne’ebe kobre municipiu 3 hanesan Ermera,Bobonaru no Municipiu Liquisa. Basias Hidrografika Beluli Kobre Municipiu Ainaro no Kovalima. Basias Hidrografika 3 sei kobre iha reziaun Oequsi no Basias Hidrografika Raumoko sei implementa iha Lauten. Atu fasilita implementasaun ba Munisipiu Alvu sira mak oras nee Ministeriu Agriultura Rekruta ona oficial Projetu 5 ne’ebe mak sei implementa Projetu nee iha Muniipiu Alvu sira.
Alende nee Ministru Interinu Deolindo Da silva Atual Vise Ministru entrega mos save motorizada ba oficial Municipiu sira husi projetu SAPIP nian. Iha seremonia entrega Motorizada Ministru Agricultura Interinu Deolindo Da Silva aktual Vise Ministru MAP hato katak Apoiu nee hanesan konfiansa ida n’ebe governu fo atu bele fasilita diak liu tan servisu sira nee, nune husu responsavel ba sira ne’ebe simu motorizada atu koidadu ho didiak tamba ekipamentu nee nudar patremonia de Estadu.
