Dili- Iha tempu badak Kompañia Pelican paradise ho guvernu sei hahu konstrukasaun Hotel, Apartamentu, Muzeum Públiku, Parque Públiku, Sentru komunidade, golf, Restorante inlkui hari’i mos Igreja iha area Tasi Tolu no obra ne’e sei hahu iha fulan Abril 2017.
Ministru Estadu Koordenador Assuntu Ekonomiku no Ministru Agrikultura e Peska, Estanislau Aleixo da Silva iha nia entervista hateten, kompañia Pelican Paradise mai halo atualizasaun informasaun dadaus konaba investimentu ida ne’e, sira mos hatudu ajustamentu dezenu ne’ebe maka sira halo no sira mai atu hasoru malu mos ho ita nia Secretariu Terras no Propriedades.
Kompañia prontu atu hahu obras ne’e, maibe sei hein kontratu ba rai nian, fiar katak la kleur tan sei lori ba Konsellhu Ministru atu aprova, maibe antes kompañia ne’e hahu obras sei iha akordu rendimentu ho rai ne’e hafoin sira hahu. Realsa Ministru MECAE no MAP.
Investimentu inisiu ba kontrusaun ne’e ho orsamentu $. 380 Miloes dolar Amerikanu maibe hau hanoin sei liu ida ne’e karik, tanba hau hare investimentu ne’e bo’ot tebes, obra ne’e sei hari Hotel no sira mos sei ajuda Governu hodi kontribui halo dezeñu para depois Governu sei investe osan atu bele hari Parking Públiku ida iha Tasi-Tolu fatin ne’ebe maka tinan tinan ita selebra loron Restaurasaun da Independensia ninian.
Iha fatin hanesan diretór ezekutivu Trand Invest Arcanjo da Silva esplika katak, Kompañia pelikan halao enkontru ho Ministru MECAE no Ministru MAP hodi koalia konaba konstruksaun area tasi tolu maibe dezafius ne’ebe kompania ho Governu hasoru maka fatin refere populasaun lubuk ida sei hela, nune’e enkontu ne’e koalia konaba oinsa maka husi parte Governu bele rezolve atu nune’e ema sira ne’e bele sai husi area ne’eba atu nune’e pelican paradise bele hahu investimentu ne’e, nune’e iha fulan Abril 2017 kompania sei hahu konstruksaun obra tanba sira finaliza ona dezeñu.
Kompañia pelican hanesan kompañia Inan ne’ebe hanaran Pelican Paradise Holding maibe laos kompañia ne’e mesak mak sei hala’o servisu iha Timor maibe kompañia ne’e sei servisu hamutuk ho kompañia sanolu resin tolu (13) ne’ebe iha kompania pelican nia okos.
Atu hasai komunidade ne’ebe hela iha area ne’e responsabilidade Governu nian neduni Governu tenki hasai komunidade ho dignu no diak neduni wanhira atu hasai tenki iha anunsia publiku ida ba sira atu nune’e komunidade sira ne’e bele prepara sira nia an atu bele sai husi fatin refere.
Alende atu fo kompensa ba kumindade iha area tasi tolu ne’e laos responsabilidade kompañia maibe resposabilidade Governu Timor nian no governu sei entraga rai maizumenus Seis centos ital hetares ba kompañia pelican atu halo investimentu kuaze area tasi tolu tomak maibe kompañia sei la uja hotu tanba parque publiku, sentru komunidade inklui lagoa tasi tolu ne’e sei entrega ba Governu mak atu halo jestaun.
