Loes-Ministeriu Agrikultura no Peskas Liu Husi Diresaun Nasional Estatistika e Informasaun Geografika hala’o Treinamentu ba Grupu Agrikultor sira iha Centru Peskiza Loes Konaba Oinsa Kuda Hare Rai Maran No Hakiak Karau Vaca inklui Mos Treinamentu ba Post Kolhieta, iha Loron 31 Janeiru 2017.

Xefe DepatementuSolo Nutrisaun das Plantas Gilberto Dos Santos iha intervista hateten katak, “Objetivu husi treinamentune’e atuoinsamotiva agrikultor sira para kuda hare rai maran tanba Timor Leste rai bokurbarak maibé irigasaun lato’o para fornese bee ba natar nune’e alternativa seluk mak kuda hare rai maran iha rai bokur hirak ne’ebéseidauk utilize”.

Gilberto mós hateten katak,Iha treinamentu ne’e mós sei koalia konaba komponente 4 hanesan(1) Solo Nutrisaun das Plantashare liu ba tratamentu rai katak grupu agrikultore sira wainhira kuda hare rai maran tenkimós fo tratamentu ba rai porexemplu rai la iha nutrisaun entaun presija fo adubu organiku ka kimiku. (2)Bride,oinsa mak atu hetan fini diak para produs hare barak ne’e parte husi brider sei rekolha rekursus genetika ninian no (3) parte husi Agronomia, oinsa kuda ho teknologia ne’ebé diak i lahetan ataka husi pesti no moras.(4) Parte Post kolheta ninian, oinsa produsaun ne’eiha halot didiak nune,e labele hetan estragus nune’e bele uza ba tempu naruk tantu ba fini no mós ba konsumu ninian. Tenik Jilberto

Gilberto mós hatutan liu tan katak, tuir prosedur tekniku ne’ebé fo asistensia husi diresaun peskiza para halo peskiza maibé agora komesa hasae ona level ba pekizador sai treinador ba ita nia grupu agrikultor sira inklui direita dezemina informasaun ba agrikultor ou husi Extensionista sira.

Iha fatin hanesan Rojindo da Cunha treinador husi Centru Peskiza Darisula Baucauhateten katak, treinamentu ne’e atu kapasita no fahe informasaun ba grupu agrikultor sira konaba kuda hare rai maran nune’e wainhira agrikultor sira kuda hare rai maran presiza identifika fini, tamba iha fini balu boen nune’e kuda la moris.

Partisipate iha treinamentu ne’e husi grupu agrikultor Municipiu 4hanesan Lospalos, Viqueque, Liquica no Bobonaro. Depois hetan treinamentu ne’e wainhira sira fila fali hanesan bukae ida atu sira kuda karik ihahanoin ida ona konaba oinsa atu kuda hare no Ai horis.

Octaviana Ferreira Agustino, Peskizador Departemento Post Kolheta

Sublina katak iha treinamentune’e ami fo koñesementu ba to’os nain sira oinsa atu prosesamentu ba kualidade hare nian entaun iha ne’e ami mós halo pratika ki’ik ida ba agrikultor sira atu bele komprende diak liu tan konaba kualidade no kuantidade ba hare nian iha post kolheta.

“Atu hatene kualidade no kualidade hare presija direitamente kolekta dadus no analiza”. Tenik Octavia.

Jacinto Boavida Soares Responsavel Peskiza Pecuaria iha area paronizasaun karau no fahi durok habelar informasaun ba grupu agrikultor sira konaba paronizasaun ba karau vaca liu-liu konaba ai han nopastajen ba karau ho razaun oinsa atu jere aihan ne’ebé rekursus naturais ita iha hanesan du’uttaramba ne’ebé introdus husi rai liur no halo ona preparasaun demplot iha sentru ne’e.

“hanesan ita hatene, ninia produsaun ne,e hira, nia biomasa ne’e hira, fornese ba karau hira, nia durasaun tempu ne,e hira, ita sukat hotu ida ne,e para ita fo informasaun ba to’os nain sirane’bé tuir treinamentu”.

Jacinto mós hatutan Agora dadaun ita iha karau 17 iha sentru peskiza Loes, karau inan iha ne’en no aman sanulu resin ida ita halo paronizasaun iha ne,e mos ita prepara ai han hanesan taramba murni deit depois taramba ne,e ita fornese ba karau ,nia iha kresimentu sae to,o 0,4 kilograma loron ida, ita mos aumenta batar kilo ida entaun karau nia kresimentu ne,e aumenta ba bebeik, 0,5 kilograma kada loron ida ita mos hare residu ba animal sira ne,e ita fornese fali ba kolega sira ihaAgronomia atu halo estudu.

“Ba oin ita sei habelar informasaun ba to’os nain sira katak ita laos hakiak deit animal maibé bele kuda mós ai horis tanba ai horis iha nia residu fo animal, animal mos iha nia residu sei fila fali ba aihoris ne’e”.

Konaba vasinasaun ita liga ba Diresaun Pecuaria tanba ita nia kolega assitente pecuaria ida mos hela iha sentru ne,e hodi bele atende no vasinasaun ba animal sira ne,ebé hetan ataka husi moras tanba ita iha ligasaun diak ho Diresaun Pecuaria iha Municipiu.Tenik Jacinto