Dili, 20/12/23- Ministériu Agríkultura Pekuaria, Peskas No Floresta Ofisialmente Entreat Eskola Tekniku Vokasional Agrikola Tolu hanesan, Eskola tekniku Agrikola Moleana-Maliana, Natarbora-Manatuto no Fuiloro Lospalos Ba Ministeriu Edukasaun Liu husi Secretariadu Estadu Ensino Sekundariu E Tekniku Vokasional Hodi Toma Responsabilidade nune’e bele eleva no hadi’a di’ak liu kualidade Ensino no produz rekursu umanu ne’ebé di’ak liu tan.
Iha entrevista ministro MAPPF Eng. Marcos da cruz esplika, objetivu atu asina despaixu konjunta ka akordu ida entre Ministériu Edukasaun ho Ministériu Agríkultura Pekuaria, Peskas e Floresta, kona-ba transferensia eskola teknika agrikola tolu ne’e tanba papel, ministeriu agrikultura nian mak atu aumenta produsaun agrikola liliu aumenta produsaun ba hare, batar, animal, ikan no proteje ambiente liliu oinsa halo reflorestasaun ba nia rai ida ne’e.
Nia hatutan, ministériu edukasaun nian papel mak oinsa atu produz rekursus umanus ne’ebé kualifikadu komesa husi Ensino baziku to’o iha Ensino superior. Ida ne’e hanesan Ensino secundariu, nune’e mak governu ida ne’e deside iha lei organiku governu no programa katak eskola sira ne’e tenki tutela ba ministériu edukasaun.
Nune’e iha fatin hanesa sekretaria estadu Ensino sekundariu e tekniku vokasional hateten, Tuir ministeriu edukasaun haree ba situasaun ida ne’e mais importante tebes tanba eskola tolu ne’ebé mak durante ne’e tutela ba ministerium agrikultura dadauk halo ona termu de entrega husi ministériu agrikultura mai ministeriu edukasaun, klaru katak responsabilidade maximu ba dezenvolvimentu curikulum ba eskola sira. Ensino tekniku vokasional iha ministeriu edukasaun iha ona kurikulum propriu ne’ebé mak iha, iha tekniku vokasional la’os agrikola nian mos iha liuliu ba produsaun agrarian, ortikultura, nune’e kirikulum ne’ebé mak iha ministeriu edukasaun elabora tuir saida mak agora iha lao tuir ona, dezenvolve nafatin prosesu ne’ebé agora lao hela ne’e.