Dili, 25 Marsu 2025 - Ministru Agrikultura, Pekuária, Peska no Floresta (MAPPF), Marcos"MAMETA" da Cruz, hamutuk ho Kompañia Xina Nuclear Industry 22ND Construction CO.LTD  asina kontratu bá Projetu konstrusaun eskema irrigasaun ne'ebé sei realiza iha Watuwa-Modobuti Munisípiu Baucau.

Ministru Marcos haktuir, konstrusaunn irrigasaun Watuwa’a Modobuti ho orsamentu termina ona ho motante $ 22.606,639.62. konstrusaun irrigasaun Modobuti Baihira realiza sei kobre suku hitu mak hanesan suku Samalari, Gariwai, Wailili Buibau, Seiçal no Buruma ho totál área hamutuk ektare 1.290. Tanba área sira ne'e abandona ona iha  tinan  barak. Ne'eduni Bainhira  konstrusaun irrigasaun Watuwa’a Modobuti- remata sei kobre totál hirak refere. "Ohin Ita hahú asina kontratu bá Projetu irrigasaun naran Watuwa’a Modobuti- iha Munisípiu Baucau iha ne'ebá mós iha kanál irrigasaun tolu ne'ebé durante ne'e Ministériu  uza mákina pezadas hanesan eskavadór mak normaliza kanál sira ne', maibé depois konstrusaun  espera rai sira ne'e bele funsiona hikas". Tenik Ministru

Ministru haktuir, durasaun tempu bá konstrusaun projetu eskema irrigasaun Watuwa’a Modobuti sei la'o durante fulan 36. Signifika sei lao durante tinan 3 Nia laran. Ne'e duni sei finaliza iha tinan 2028. Portantu husi asinatura kontratu ne'e bá oin, MAPPF sei hamutuk ho autoridade kompetente sira iha Munisípiu Baucau sei bá ko'alia ho komunidade iha suku hitu ne’e atu nune'e bainhira konstrusaun la'o ona bele koopera ho governu atu projetu ne'e bele la'o ho di'ak no iha tempu badak Ministériu sei sei halo lansamentu hodi komesa konstrusaun refere.

Serimónia ne'e hetan partisipasaun husi Prezidente Autoridade Munisípiu Baucau, Autoridade Postu Administrativu Baucau , reprezentante empreza Xina, Diretór Jerál Agrikultura Kafé Plantas no Indústria, Diretór Nasionál Irrigasaun, Representante MPIE, xefe departamentu  inkui funisonáriu sira husi MAPPF. Ekipa DMEA