Covalima 26/03/2025-, Prezidente Repúblika José Ramos Horta Akonpaiña husi ministru Agrikultura no membru governu sira seluk fahe nesesidade bazíku (ai-han) ba komunidade kbi’it laek, aumesmu tempu loke mós abertura ba atividade kompetisaun halai -taru kuda, dada tali no jogus tradisionál sira seluk, atividade ne’e hanesan inisiativa Presidenti Repúblika nian ba Komunidade sira iha Munisípiu Covalima.
Prezidente Repúblika José Ramos Horta esplika, atividade ne’e hanesan programa ofisial ajuda umanitária hamutuk ho Ministru MAPPF no membru governu sira hodi haree situasaun fo tulun ba komunidade kbi’it laek no ema ho difisensia sira mai husi postu administrativu hanesan Fatululik, Fatumea, Fohoren, Suai no Maukatar.
Atividade prinsipál mak hare situasaun no fo tulun ba familia kbi’it laek sira no ema ho difisensia iha aldeia no suku sira, Prezidente Repúblika José Ramos Horta hatete ba Jornalista sira hafaoin fahe nesesidade bazíku hanesan fos marka manu vitoria saku Ida, mina bimoli litru lima Ida, mantolun rak Ida, superme dos Ida no seluk tan iha Administrasaun Munisípiu Covalima.
Iha fatin hanesan admintradór postu Suai Villa, Idelfonso Maria Amaral agradese ba Prezidente Repúblika ne'ebé mak halo asaun karitativa fahe nesesidade bazíka ba komunidade kbi’it laek sira hamutuk ema-150 ne'ebé mai husi suku lima.
Maibé antes ne’e xefe suku sira rekoilla dadus tuir suku ida-idak nian, hanesan admintradór postu nafatin servisu hamutuk ho xefe suku sira atu bele identifika komunidade kbi’it laek sira atu bele haree fali Ministério relevante sira atu Sira bele halo proposta balun ba atu fo apoiu komunidade kbi’it laek sira ne'ebé seidauk simu nesesidade bazíka, no komunidade balun mós antes ne'e hetan ona.
Nune'e mós benefisiariu husi suku labarai postu Suai, Armindo de Araujo Amaral sente kontente tebes tanba bele simu nesesidade bazíku husi Prezidente Repúblika maibé komunidade sira husu atu fo apoiu mós ba sira nia maluk kbi’it laek sira ne'ebé mak presiza tebes ai-han.
Atividade fahe nesesidade bazíku ne'e kontinua kedas ho atividade kompetisaun halai -taru kuda ho bainaka sira husi Nasaun Viziñu Indonesia Propinsia Nusa Tenggara Timur (NTT) no dada tali husi komunidade munisípiu Covalima nomós atividade tradisionál sira seluk. Ekipa DMEA