Dili-Prezidente da Republika Timor Leste (PR) Jose Ramos Horta akompanha husi Ministro Agrikultura Pecuaria Pesca no Floresta (MAPPF) Marcos “Mameta” da Cruz, nomós Ministra Finanças (MF) vizita kortezia ba Portu Tibar hodi hare diretamente servisu Alfandega, Emigrasaun no Quaretena ninian. Visita cortejia ne’e realiza iha loron kinta (13/03/25) iha Portu Tibar.
PR Jose Ramos Horta, iha entrevista hateten laos primeira ves nia vizita Portu Tibar, iha tempu Covid mós ba hare servisu iha iha Portu Tibar.” momentu ne’eba ha’u sei Eis Prezidente, depoiz prontu ona seidauk inagurasaun, ha’u mai ho Maun Bo’ot Xanana mai hakarak kumprimenta Timor oan sira servisu iha ne’e atu bele fo apoiu morál no agradesementu ba sira. Depois ne’e ami mai vizita mos ho Embaxador kauze 40 resin, sira mós empresionadu los ho Infraestrutura ida ne’e, ida ne’e primeiru Infraestrutura ho baze iha Public Private Patnership (PPP), ne’ebé hahu iha tinan 2014 ne’ebé husi Governu Maun bo’ot Xanana. investimentu bo’ot ne’e envolve Governu no Estadu inklui parseiru sira seluk.
Presidenti realsa, Portu ida ne’e bele klasifikadu hanesan um dos melhores iha sudeste Asiatiku tomak, entermós modernu ou hanesan portu klean. Ita sorte duni iha momentu tinan 2014 Governu lideradu husi maun bo’ot Xanana halo desizaun ida ne’e. Primeiravez halo buat bo’ot ida ho osan bo’ot kuaze $.400 milloes dollar Amerikanu, ne’e presiza korajen polítiku estudus klean atu halo desizaun ne’e, desizaun ne’e los duni importante ba intergrasaun ekonómika komersial rejionál importante ba adezaun Asean.
Presidente mos hato'o katak atu adere ba Asean kondisaun ida mak infraestrutura importante indispensavel. Asean entermus de integrasaun ekonómika Portu depoisde Aeroportu Estrada Nasionais Estrada rurais sira ne’e hotu importante tebes ba ekonómia ida ne’ebe bele funsiona lolos.
Iha fatin hanesan Komisario Alfandega Juanico Pinto hatutan, Autoridade Lokál Auduaneira sente onra bo’ot tebes ho vizita PR ninian mai iha Portu Tibar, partikularmente atu haree servisu, tanba ne’e sira sente onra no kontente tebes atu sira bele atualiza informasaun sira hotu ba Presidenti ba atinjimentu sira ne’ebé iha nomós dezafíu sira ne’ebé mak sira enfrenta.
“Liu husi vizita ida ne’e politikamente bele iha koñesementu atu ami halo proposta ruma karik bele hetan konsiderasaun liu tan. Ami nia misaun mak atu halo servisu seguransa hodi proteje nasaun ne’e husi potensia de ameasa sira, ezemplu hanesan; ema lori sasan kontra bandu sira mai ita nia rai, ida seluk mak atu halo kobransa osan ou reseita ba ita nia Estadu. Ami nia servisu ne’e mak importante tebes iha forma de materializa objetivu rua ne’e ma kami buka atu kria kondisaun sira hotu, adapta ita nia a’an ho teknolojia modernu liu-liu nu’udar membru ba organizasaun Internasional sira hotu, tenki halo tuir lolos sira nia padraun, nune’e ita nia servisu atendementu sira ne’e bele lao diak, justu no lais liu tuir ami nia desizaun”.
Nia informa, Iha vizitasaun PR nian ne’e ami mós partilla informasaun ba PR konaba reseita ne’ebé sira kobra iha teritoriu Timor laran tomak ikluzivamente iha Portu Tibar. Iha tinan 2023 sira kolekta de’it $.98 mill, tama fali iha tinan 2024 sira koleta tan $.105 milloes, ne’e aumenta ida ne’ebé signifikativu tebes.Ekipa DMEA