Dili (12/3/2025), Funsionariu kazuais no ajente administrasaun iha Ministériu Agrikultura Pekuária Peska no Floresta hahú  selebra asina kontratu hodi bele kontinua servisu iha tinan ida ne’e. atividade selebrasun asina kontratu ne’e realiza iha salaun enkontru MAPPF Comoro.

Diretór Geral Servisu  Corporativos, Celetinho da Cunha Barreto iha nia entrevista hatete, selebrasaun kontratu ba funsionariu kazuais no ajente administrasaun ne’e ne’ebé mak hahú ho diresaun jerál Peska iha ema na’in-123  no Floresta ho totál funsionariu iha ema na’in-289 no sei kontinua tan Diresaun Jerál Agrikultura Café Plantas no Industria  iha ema na’in- nomós pekuaria no veterinaria  hamutuk ema na’in-245. Antes prepara kontratu ba funsioaniu kazuais sira ekipa verifikasaun husi Ministériu Agrikultura hamutuk ho ekipa husi Komisaun Funsaun  Públika halo avaliasaun ba funsionáriu kuaze rihun ida resin durante fulan rua no konsege halo finalidade no ohin hahú selebra asina kontratu.

Diretór geral hatutan, kuota ne’ebé mak Ministériu prepara iha 843  katak funsionariu balun ne’ebé mak remata ona kontratu iha fulan dezembru tinan kotuk sei la kontinua asina iha tinan 2025 tanba alokasaun orsamentu Jerál estadu mai iha Ministériu iha tinan kotuk  labele kobre hotu funsionariu ne’ebé mak remata ona kontratu atu bele kontinua fali.

Iha fatin hanesan, Diretór Nasionál Rekursu Umanu Geronimo Xavier esplika, antes haú halo selebrasaun ba kontratu ekipa halo uluk valiasaun ba funsionariu sira husi kada diresaun nasionál  depois mai iha  diresaun jerál  mak ikus iha ekipa juri atu bele haree hodi determina totál funsionáriu ne’ebé mak atu asina tanba prosesu avaliasaun ne’e hala’o durante fulan rua no finalidade mak ohin hahu halo selebrasaun kontratu  ba funsionáriu sira.

Asina kontratu ne’e iha tipu rua mak hanesan motorista ho cleaner (hamo’os rai) ne’e hahu asina husi fulan Janieru ate Dezembru tanba sira inportante tebes tanba atu asegura instituisaun nian no staf tékniku sira hahú iha fulan Marsu ate Dezembru 2025.

Tinan kotuk OGE 2024 iha $.9.5 mill ba Salariu Vensimentu maibé iha Tinan 2025 OGE reduz ba $. 7.8 mill ba salariu vensimentu inklui Funsinoáriu Permanente, Apontamentu politika, asesor nomós  kazuais sira  entaun orsamentu jerál ba salariu vensimentu tun 1.7%  tanba ne’e mak Ministériu halo exersisiu atu bele halo kalkulasaun ba orsamentu ne’eduni kazuais sira totál 843 mak bele kontinua servisu no restu  no balun ne’ebé mak remata ona sei labele kontinua.Ekipa DMEA