Dili,(11/3/2025), Ministério Agrikultura Pekuária Peska no Floresta Liu husi Programa Sustainable Agriculture Productivity Improvement Project (SAPIP) apoiu material hanesan, Laptop unidade 29, printer 3, Projetór 3,Sound system 3 inklui tratór boot unidade 3 ba epskizadór sira atu fasilita servisu peskizadór sira nia iha sentru Peskiza sira. Serímonia entrega ekipamentu ne’e realiza iha salaun enkontru MAPPF Comoro.
Ministru Agrikultura Pekuária Peska no Floresta, Marcos “MAMETA” da Cruz esplika, SAPIP apoiu material servisu hanesan Laptop, Printer,Projetór, Sound System no inklui Tratór boot 3 ba Diresaun Nasionál Peskiza e Estatistíka atu bele disribui peskizadór sira ne’ebé mak hala’o servisu iha sentru peskiza mak sentru peskiza Betanu-Manufahi, Sentru Peskiza Darasula Baucau no Sentru Peskiza Loes Likisa ho apoiu sira ne’e bele reforsa servisu iha sentru sira tanba peskiza hanesan setór ida ne’ebé mak inportante ida.
Ministru hatutan, Diresaun Nasionál Peskiza no Estatistika ne’e inportante ba dezenvolvimentu agrikultura nian tanba Ministériu Agrikultura ne’e tékniku ne’eduni atu hala’o servisu tékniku sira hanesan dadus sira tanba Ministériu presija dadus sientifíku ne’ebé mak los husi peskizadór sira ne’ebé mak matenek iha área peskiza nian hanesan área agrikultura solo, produsaun plantas, parte pekuária no peska nian. “ ita hatene katak peskizadór sira ne’e formadu iha área hirak ne’e ne’eduni Ministériu tenki reforsa peskizadór -nia servisu liu husi apoiu material servisu nian nune’e sir a bele hala’o kna’ar peskiza ne’e diak liu tan nune’e ikus mai peskizadór sira bele oferese dadus ne’ebé mak konkretu mai Ministériu atu nune’e ba oin Ministériu halo planu bazeia ba dadus ne’ebé mak los ikus mai bele dezenvolve setór agrikultura diak liu tan”. Tenik Ministru
Ministru mós realsa, orsamentu ne’ebé mak sosa ekipamentu ne’e mai husi Banku Mundial liu Programa SAPIP jere husi Ministériu Agrikultura ho totál hamutuk $.67 mill Dolar Amerikanu la inklui ho tratór maibé orsamentu hodi sosa tratór totál $.150 Mill Dolar Amerikanu tanba ne’e husu ba peskizadór sira atu utiliza ekipamentu ne’e ho responsabilidade tanba ekipamentu sira ne’e sei fasilita peskizadór hodi hakama’an servisu karik durante ne’e peskizadór sira uja ekipamentu privadu hodi halo servisu tanba ne’e mak SAPIP apoiu Diresaun Nasionál Peskiza no Estatíska atu oferese ba peskizadór sira.
Iha fatin hanesan, Diretór Nasionál Peskiza no Estastíska , Cesár José da Cruz hatete, ekipamentu ne’ebé mak SAPIP apoiu ne’e kompostu husi Laptop, projetór,Printer no seluk tan ho apoiu hirak ne’e servisu peskiza iha futuru bele lao diak liu tan.
Nune’e mós Peskizadór Rafael Feliciano senti kontenti tanba bele hetan apoiu ekipamentu sira ne’e tanba durante ne’e peskizadór balun laiha ekipamentu hanesan laptop no printer inklui sira seluk ne’eduni uza fasilidade rasik maibé ohin loron bele hetan apoiu husi Ministériu liu husi programa SAPIP tanba ne’e ba oin sira bele asegura dadus ne’e ho diak nune’e Ministériu halo planu bele bazeia mós ba dadus peskiza.Nia hatutan Dadus ne’ebé mak peskizadór halo peskiza ba ai-horis durante ne’e mak hare, batar, ai-farina,foremunggu,forekeli nomós koto.
Partisipa iha serímonia entrega ekipamentu ba peskizadór sira mak, Diretór Geral ACPI,Inspetór Geral MAPPF, Diretór Nasionál Lojistik Programa Manajer SAPIP nomós peskizadór sira.Ekipa DMEA