DILI, 27/8/2024, Ministério Agricultura Pecuária Pescas e Floresta ho parseiru dezenvolvimentu Longping hosi governu Xina abertura treinamentu ba formandu 44 mai husi staf tékniku Ministério Agricultura nian, Ministério Comersio, CLN no Extensionista ema-na’in rua hosi munisípiu 12 inklui RAEOA, treinamentu ne’e kona-ba Jestaun no Operasaun Kultivasaun Ai-horis, Prosesamentu nomós prosesu rai ai-han iha Armajen, treinamentu ne’e sei hala’o durante loron 21 hahu husi 27 Agusto ate 16 setembru 2024 iha munisípiu Manatuto.
Ministro Agrikultura Pekuaria Peska no floresta, Marcos da Cruz iha nia entrevista hatete, abertura programa treinamentu entre MAPPF ho Governu Xina liu husi Longping ne’e hanesan parte ida hosi implementasaun akordu nota intedementu ne’ebé mak asina iha fulan hirak liu ba iha nasaun Xina ne’eduni treinamentu ne’e atu hasa’e kapasitasaun rekursu umanu Timor-oan liu-liu ba funsionario Agrikultultura nasionál, estensionista no staf tékniku hosi munisípiu sira. Nia hatutan, Fundus treinamentu ne’e mai husi Ministério Comersio maibé implementasaun orsamentu hosi Ministério Agrikultura e Dezenvolvimentu Rurál Xina no MAPPF Timor -leste, treinamentu ne’e iha área Agrikultura, Pekuaria no Aquakultura. Treinamentu ne’e formandu sira sei aprende hahu husi preparasaun rai, kultivu no prosesu rai iha armajenamentu.
Ministru Realsa. Treinamentu ne’ebé mak hetan hosi governu Xina kuaze dala barak ona ho ema-na’in atus resin ne’eduni ba futuru Ministério Agricultura kontinua reforsa Nota intendiementu atu bele dezenvolve setór agrikultura, pekuaria, peskas no floresta tanba Timor presiza aumenta produsaun rai-laran ne’e tenki aprende husi governu Xina tanba peritus hosi Xina mai hanorin formandu 44 ne’e ba oin, sira bele hetan matenek hodibele apoiu fali agrikultór sira hosi produz ai-han ho kuantidade barak.
Iha fatin hanesan konseleiro Embaixada Xina iha Timor, ZhaoSuocheng esplika, governu Xina kontinua nafatin hodi apoiu Governu Timor liu-liu ba Ministério Agricultura hodi fo formasaun oinsá atu bele dezenvolve setór agrikultura iha rai laran ba futuru, treinamentu ne’ebé mak hala’o durante loron 21 iha Manatuto ne’e bele fo kuñesimentu ba formandu sira klean liu tan kona-ba oinsá preparasaun rai, kultivasaun to’o prosesu armajenamentu nian.DMEA
