Bobonaro - Ministru Agrikultura Pecuaria Pescas no Floresta Marcus “MAMETA” da Cruz, lansa kuda modo ho lis Mean, mostarda, pakcoy, no seluk tan, iha area 8 hektares. Aktividade ne’e halao iha loron sesta 16/08/2024 iha Suco Sanirin, Posto Admnistrativo Balibo, Munisipiu Maliana,

Iha entrevista Ministro MAPPF Marcos “MAMETA” da Cruz esplika, Governu nia programa iha orsamentu iha area rua, ida mak orsamentu Estadu nian ne’ebe halo husi Dirasaun servisu iha MAPPF, osan ne’e ita husu apoiu husi Parlamento Nasional (PN) hodi hetan aprovasaun, osan seluk mai husi doador sira, ita nia nasaun hetan potensia bo’ot ba Agrikultura tanba ne’e hetan apoiu husi Povu no Governu Austrália ne’e liu programa ida naran to’os ba moris diak (TOMAK) Sira maka apoiu programa Ministériu nian.

“Ita hato’o mos parabens ba grupu benefisiariu sira tanba sira mak sai hanesan ezemplu ba agrikultór sira seluk liu-liu ba sira ne’ebé kuda modo no lis. Dala barak modo ne’ebe maka sira fa’an iha dalan ninin ita hanoin modo sira ne’e mai husi Atambua maibe realidade produs duni iha ita nia rai, tanba ne’e maka ita fasilita trator no ita mos sei buka atu hadia fatin ida atu bele tau trator sira ne’e, atu nune’e trator sira ne’ebe mak iha ne’e labele muda ba mai husik iha ne’e de’it atu bele fila rai.” Tenik Ministro MAPPF

Ministru dehan Agrikultura presiza be’e ou irigasaun, irigasaun ne’e iha tipu oi-oin mak mai husi mota, irigasaun ida ne’ebe ba natar, maibe ida ne’ebe ba modo ne’e dala barak ita kuru mak fakar de’it ne’e ita estraga ona be’e, tanba ne’e mak ho Sistema teknolojia foun ne’ebe hanaran irigasi tetes ou irigasaun turuk ne’e sei konserva be’e tuir kuantidade ne’ebe iha, tanba ita hatene kata oras ne’e dadauk ema fura be’e, entaun be’e mos nia kuantidade iha rai laran menus, entaun ita tenki kuidadu atu labele estraga be’e.

Iha fatin hanesan Constantinho loe hanesan Agrikultór, haktuir agora dadauk iha uma kain 2 mak servisu hamutuk ho nia total to’os 5 hectares sira nia grupo naran be’e kulu matan total iha grupu ne’e hamutuk ema nain 15 kompostu husi mane nain 7 no feto nain 8 sira sente kontente tebes ho prezensa Ministru MAPPF nian. Sira mos Husu ba Estadu atu tau atensaun liu liu ba sira nia ahi tamba sira presiza tebes ahi hodi dada ba sira nia to’os.

Aktividade ne realija husi Dirasaun Geral Agrikultura, Café e Plantas Industriais – MAPPF no hetan suporta husi TOMAK - To’os ba Moris Di’ak.