Dili- Primeiro Ministro (RDTL) Kay Rala Xaxana Gusmão, marka prezensa iha resintu MAPPF hamutuk ho Ministro MAPPF entrega Tratór liman hamutuk 38, makina kuda 103 no koa hare iha 23 ba agrikultór sira husi Munisípio 3 hanesan; Ainaro, Bobonaro no Covalima, seremónia ne’e hala’o iha loron Kinta, (15/08/24) iha Resintu MAPPF Comoro.
PM Kay Rala Xanana Gusmão hato’o ninia obrigada barak ba oportunidade ne’e, fiar katak iha tinan oin Timor-leste komesa ona reduz importasaun nune MAPPF pelu menus ita konfia katak bele produz hahan no hodi bele hasa’e produsaun iha rai laran.
Iha entrevista Ministro MAPPF Marcos “Mameta” da Cruz esplika, Ministério halo lansamentu ba makina ka ekipamentu agríkola, ita mós agradese tanba PM bele fo nia tempu hodi mai halo lansamentu ba makina ka ekipamentus hirak ne’e, objetivu atu hatudu ba povu agrikultór sira katak komesa ohin ba oin ita buka atu servisu hamutuk hodi aumenta produsaun ba iha setór Agrikultura, Pekuaria Peskas no Floresta.
Nia akresenta, Iha makina sira ne’ebe mak iha la’os de’it makina uza hodi koa no fila rai hanesan tratór maibé komesa introduz ona makina rua ne’ebé ajuda servisu agrikultura nian hanesan hodi kuda no koa hare. Makina hirak ne’e mak hanesan tratór bo’ot 25, tratór ki’ik 38, makina koa hare 23, makina kuda hare 103 no mós atraladu hodi tula sarua tratór nian 6. Orsamentu ba sosa ekipamentus sira ne’e mai husi Banku Mundial no Governu.
Nia hatutan, proposta ba ekipamentu hirak ne’e hahu kedas iha kuartu Governu konstitusionál iha tinan 2011-2012 hetan osan no implementa iha tinan 2016 ba iha Munisípiu 7. Maíbé ekipamentu hirak ne’e dadauk iha sei oferese uluk ba Munisipio 3 hanesan, Ainaro, Bobonaro no Covalima, Munisípiu ha’at (4) seluk sei prosesu hela ho tipu makina ne’ebé hanesan. ” ekipamentu sira ne’e atu hatudu ba agrikultór sira katak Governu buka atu fasilita agrikultór sira atu bele hamenus sira nia kole no tempu ezemplu hanesan uluk ita koa hare presiza tempu naruk dalaruma hasai tan osan hodi selu ema seluk atu bele koa, entaun ho makina hirak ne’e bele reduz ona tempu ba ema servisu ida ne’e mak ita komesa introduz makina hirak ne’e. Hanesan ita hatene katak servisu iha área agrikultura ne’e todan tanba ne’e ita buka oinsa atu fasilita agrikultór sira iha vontade servisu.” Katak Governante ne’e
Nia informa, Orsamentu ne’ebé mak sosa ekipamentu hirak ne’e husi Banku Mundial no governu nian iha ona benefisiariu sira husi Munisípio sira ne’e iha ona grupu ne’ebé alista hotu ona totál grupu 53 ne’ebé sai benefisiariu ba makina hirak ne’e sei lori ba Munisípiu hodi entrega, ba tratór bo’ot 5 Ministério sei aloka ba iha fatin 5 ne’ebe sai sentru Produsaun susuben husi Karau Timor, fatin sira ne’e mak hanesan Bobonaro, Dotik, Natarbora, Viqueque- Ratau no Lospalos -Patu. Nia funsaun atu ajuda fila rai hodi kuda du’ut para bele fo han ba karau ne’ebe mak ita tau iha ne’eba atu bele sai hanesan ezemplu hodi produz susu be’en husi Karau Timor ne’e. tratór 20 ne’e ita halo ona Lista atu fo ba iha Munisípio sira.
Nune’e mós Agrikultór Bonifacio Xavier Amaral husi Munisípio Bobonaro sente kontente no orgullu tebes tanba bele hetan apoiu hirak ne’e atu bele uza hodi kuda no koa hare, durante ne’e sira kuda manual de’it maébé agora sira simu ona ekipamentu hodi uza, liu husi ekipamentu ne’e bele reduz ona gastus ne’ebé durante ne’e sira gasta, sira mós orgullu ba doadores Banku Mundial liu husi SAPIP no MAPPF oferese ona ekipamentu hirak ne’e.
Serímonia ne’e marka mos prezensa husi Vice Primeiro PM, Francisco Kabuadi Lay, PAM RAEOA Rogeiro Tiago Lobato, Ministro Obras Publiku Samuel Marçal, Secretario Estadu Sekoop, Arsenio Pereira, Secretario Estadu Na’in tolu iha MAPPF inklui Funsionário sira. DMEA
