Dili, (9/9/2024) Ministru Agrikultura Pecuária Pesca e Floresta (MAPPF), Marcos “MAMETA” da Cruz   hamutuk ho Prezidenti Comisação Funsaun Pública (CFP), Agustinho Letençio de Deus,  fó pose ba kargu xefia  no diretór foun Ministério Agricultura hamutuk ema na’in-26  no kargu xefia  ema na’in -154  ne’ebé  estende hahu hosi fulan jullu ate Dezembru 2024, ho objetivu hamutuk ho ministru  no Sekretário Estadu na’in-tolu atu servisu hodi dezenvolve  área agrikultura, pekuaria, peskas no floresta iha futuru.

Ministru Marcos “MAMETA” da Cruz   iha Entrevista katak,  kargu xefia no diretór sira ne’ebé mak simu  posse  ho  kargu xefia tuan  ne’ebé estende de’it  ne’e hamutuk ho membru guvernu sira iha Ministério ne’e  halo identifikasaun ba Problema iha setór ha’at ne’e mak hanesan Agrikultura, Peskas,Pekuaria no Floresta hodi halo planu hamutuk ho sira hodi  implementa, exekuta, monitoriza no  avalia,depois halo planu foun atividade Ministério-nian, nune’e bele atinje objetivu bele fornese ai-han ne’ebé barak ho kualidade nutritivu no sustentabilidade nune’e bele orienta ba markadu. Ministru Hatutan, ita implementa polítika agrikultura Orgániku tanba ita presiza hahan orgániku,tanba ne’e  Ministério  koko iha setór Agrikultura, Peskas , Pekuaria para bele fornese hahan ne’ebé la’os barak de’it maíbé ho kualidade. Nune’e ho estrutura totál hamutuk ema na’in- 180 iha Dirasaun Geral, Nasional,  xefe departementu nomos delegaaun territorial nian iha area Peskas no Floresta mak iha Munisípiu  no mos iha sentru sira ne’ebé mak jere husi Ministerio mak hanesan sentru ba Produsaun Animál ba karau timor susu be’en ,no mos iha sentru Peskiza no seluk tan tau hela responsavel atu bele kontrala servisu ne’e lao ho diak.

 Iha fatin hanesan, Prezidenti CFP, Agustinho Letençio de Deus esplika katak,  Kargu xefia ne’ebé simu tomada depose kuaze ema na’in-26  mai husi mudansa kargu xefia balun troka no balun seluk simu nomeasaun foun, tamba ne’e mak iohin fo de’it tomada de posse ba  na’in-25 ne’e, enkuantu sira seluk halo ona posse iha fulan ne’e liu ba, objetivu husi nomeasaun ba estrutura kada fulan ne’en, atu izije direjente sira tenki hatudu rezultadu tanba ne’e mak durante fulan ne’en mak la hatudu progresu ruma no solusaun ruma, menbru Guvernu sira iha Direitu tomak atu halo mudansa  hodi troka ou estende tuir prestasaun servisu sira nian.

Preziendenti CFP ne’e hatutan, iha dekretu lei 25/2026 foin altera lalais iha modalidade ba nomeasaun ne’e rua, ida mak, nomeasaun em subtituisaun no nia validade entre fulan ne’en  to tinan rua,modalidade ida fali mak nomeasaun purmeritu validade ba tinan 4,nomesaun ida ne’ebé mak agora funsaun publicu halo ne’e mak nomeasaun em subtituisaun maibe ita fo kada fulan 6 de’it,ida ne’e mensagen ida ba direjente sira  hotu ne’ebé  mak hetan nomeasaun kada fulan 6 ne’e katak , wainhira laiha progresu  servisu ho diak mak ministru sira iha kna’ar tomak atu halo mudansa tanba kargu ne’ebé mak funsionariu sira simu tantu Diretór Gerál no Nasionál  no sira seluk katak ne’e kargu Konfiansa maibe tenki hatudu prestasaun servisu no lori solusaun ba Ministru sira ho ideas foun ne’ebé inovativu ba Ministériu refere.

Serímonia tomada deposse ne’e partisipa mós Secretário Estadu na’in Pesca, Floresta no Pecuária, Diretór Gerál, Nasionál no Xefe Departamentu inklui funsionario sira, serimónia ne’e hala’o iha uma kultura MAPPF. (ekipa DMEA)