Dili, 14 Juñu 2024 - Ministru Agrikultura Pekuária Peska no Floresta Marcos “MAMETA” da Cruz, Asina MoU ho Ministru Transporte Komonikasaun, Miguel Marques G. Manetelu, kona-ba Teknolójia Dijitál ho objetivu husi asina MoU ne’e atu MTK liu husi TIC Timor ,I.P bele suporta no ajuda MAPPF   atu bele dijitaliza   área Agrikultura Pekuária Peskas no Floresta. Serimónia asina MoU ne’e hala’o iha salaun enkontru TIC Timor.I.P Kaikoli  Dili.

Iha Diskursus Ministru Marcos “MAMETA” da Cruz  Agradese ba MTK liu husi TIC Timor bele prepara ona MoU ida ne’e, no diskuti iha tempu naruk no bele asina iha loron ohin.“ IX Governu iha nia programa rasik oinsa atu aplika programa liu husi teknolójia, informasaun no komunikasaun, atu públiku bele hatene, komprende , haree no hotu- hotu bele kontribui ba dezevolvimentu iha rai Timor tanba iha Agrikultura kaer setór ne’ebé maka boot, oinsa mak ami bele tau dadus, tanba ne’e mak sei problema neduni ita persija Teknojia, hodi kria dadus, liu husi teknolijia ne’ebé  mak iha, tanba dala ruma ita la komunika ho diak no ita enfrenta problema barak antaun ho ida ne’e mak ami hakarak  selebra akordu ida ho Ministériu relevante kona-ba teknolojia informatika.”Dehan Mininstru

Ministru hatutantan katak, “ Teknolijia ida ne’e la’os atu ajuda de’it iha área sira tékniku nian maibé bele mós ajuda parte sira ne’ebé mak iha hanesan administrasaun, Planeamentu, Aprozoniamentu nomós Rekursu umanus, Oinsa ita kontrola Funsinariu, tanba ne’e ita pesiza moderniza ita-nia sistema.

Ministru hatutan, iha Agrikultura pesiza nafatin Ita boot sira (TIC. Timor) atu fo asistensia no akompañamentu hodi rezolve problema ne’ebe mak barak iha Agrikultura, atu setor hat ne’e lao ho diak, servisu iha kampu ne’e lao ho diak no efetivu,kontroladu no produz dadus, dadus ne’ebé mak konkretu.

Iha fatin hanesan Ministru Transporte Komunikasaun, Miguel Maques Gonzalves Manetelu liu husi nia diskursu hato’o Agradese ba tékniku sira, Juridiku husi Ministeriu rua ne’ebé  mak prepara ona akordu ne’e  no ohin loron ita bele asina, “ Ha’u espera katak akordu ne’ebé ita asina ohin ne’e tenke ajuda duni Ministériu Agrikultura Pekuária Peskas no Florestas atu bele hadia liutan sira nian planeamentu, dezenvolvimentu iha setór agrikola nian , tanba planeamentu hotu – hotu ne’ebé maka ita halo kuandu dadus la los, ne’e planu mós sei lalos, ho razaun sira ne’e mak governu ne’e ba dala sia ona mós dadus sira ne sei lalos no halo investimentu sira ne’ebé mak ita halo laiha rezultadu diak. Hanesan Ministériu Transporte Komunikasaun no  TIC .Timor  tutela ba, husu atu TIC bele ajuda duni Ministériu MAPPF atu lori dezenvolvimentu no hasa’e produsaun ai -han no buat seluk ne’ebé mak servisu Ministériu nian.

Minsiteru Manetelu hatutan tan  katak “ Governasaun elektronika ne’e ha’u delega ba TIC mak hare, Ami identifika ona Ministeriu 4 (hat) mak hanesan, MAE, ME, MAPPF, no MS tanba ministériu hat ne’e nia strutura no servisu ba to’o iha areas remotas, antaun ita bele hahú ho sira, Maibé ita iha desafiu ,Desafiu ne’e mak liña Internet, espera iha fulan agustus fiu ne’e bele liga husi tasi okos ne’e  bele to’o ona iha Timor no halo konektivitas , ho ida ne’e servisu ba oin bele diak liutan. Espera ho Asina akordu ne’e,kuandu informasaun sai ,Ministeriu seluk mos hanoin bele halo.

Depoizde asina MoU Ministru MTK konvida Ministru MAPPF ho komutiva hodi ba vizita data Center  DNIC – MTC . DMEA