Manufahi 12/04/2024 -Ministério Agricultura Pecuaria Pescas e Floresta (MAPPF) liu husi Dirasaun Jerál Agrikultura, Café no Plantas Industriais, halao lansamentu kuda ai masan hamutuk 1.200 husi variedade 2, variedade Anna ho variedade Manalagi iha Suku Rotutu.
Atividade ne’e ofisialmente lansa husi Ministru MAPPF, Marcos “MAMETA” da Cruz, akompaña husi Diretór jerál Agríkultura, Café no Plantas Industriais, Diretór Nasionál Estensaun Formasaun Agrikola, Diretór Servisu Agrikultura Munisipiu Manufahi hamutuk ho komunidade husi Suco Rotuto Posto Administrativu Same Vila.
Iha entrevista Ministro Agrikultura, hato’o katak “iha ne ita kuda Masan ne’ebé sei fo fuan mean ne’e hanesan Primeiravez ba ita tanba ai-fuan ne’e introdus husi Indonésia neduni Ministériu hakarak aumenta produsaun ba ai-fuan. Durante ne’e ai-fuan barak mak inporta de’it neduni Ohin ita kuda Ai-Fuan masan iha Suku Rotutu, ne’e hanesan programa ida hodi aumenta produsaun laos de’it ba produsaun hare, batar, ikan no animál maibé ba mós Ai-fuan no modo. Ministériu la tau matan de’it ba iha area nebe tetuk maibé hare mos ba area nebe iha foho lolon hodi desenvolve seitor agrikultura no hortikultura. Ai- oan masan nebe kuda hamutuk 1.200 ita kuda iha rai komunidade nian husi uma kain 20 ho luan hektare ida ho balu nebe apropriadu duni laos masan deit maibe mos ho ai-fua seluk hanesan sabraka, no kafé ne’ebé tekniku identifika ona no ba oin bele desenvolve diak liu tan.
Representatnte PAM Manufahi, Filomena Nunes haktuir, lansamentu ne’e importante no signifikante tebes ba iha munisípiu Manufahi tanba primeira vez Ministério hili Suku Rotutu atu bele oferese rai hodi kuda ai oan ida ne’e. Nu’udar PAM garante katak ba oin prontu hodi halo kolaborasaun diak ho populasaun sira liu husi kuda masan ida ne’e no bele fó mós benefisiu ba povu Manufahi tomak, nune’e ba oin mak produsaun ne’e diak bele hamenus ona importasaun aifuan husi rai liur.
“Ita -nia polítika mak nafatin sosializa oinsá bele hetan benefisiu ba ita- nia aioan sira no ba komunidade, ita liga ba peskiza sira ne’ebé mak Ministériu halo seraque ai oan sira ne’e apropriadu duni ho rai ne ka lae, atu ita mos kontinua habelar tan ai oan ne’e ba komunidade sira seluk, neduni ba oin Ministériu nafatin halo peskiza atu bele identifika fatin ne’ebé apropriadu ho aifuan masan.”
Nune’e mós, António da Costa Silva nu’udar Agrikultór agradese ba programa Ministériu ne’ebé oferese ona ai-horis ne’e ba sira, antes ne’e sira mós koko ona variedade (masan) seluk, maibe ninia rezultadu la dun diak, Tamba ne’e ekipa husi MAPPF mai koko/halo teste ba rai no resultado hatudo katak fatin ne’e apropriadu duni ba masan mean, tanba ne’e mak ohin loron ita hotu mai konsentra hamutuk hodi lansa no kuda masan ne’e, ba oin sira sei kuidadu no habelar ba komunidade seluk.
Komunidade Suco Rotuto mos husu nafatin ba Ministériu atu apoiu nafatin ai oan atu sira bele kuda tan, tamba ita seidauk rekruta funsionáriu hodi kuda ai-oan, jovem barak kuaze sai ba buka serbisu iha estrangeiro barak serbisu iha area nebe hanesan kuda no ku’u aifuan, tanba sá mak la aplika hanesan ne’e iha ita- nia rai. (Equipa DMEA).
