Covalima, 23 Marsu 2024, Diretor Nasional Extensão no Formasaun Agrícola, halo monitorizasaun direta ba operador makina pezado husi Diresaun Nasional Irrigasaun, nebe halao hela normalizasaun no kanaliza be husi knal irrigasaun mota Tafara purvolta 10km hodi fornese bé ba benefisiario 120 husi area kultivo natar 80ha iha Suku Debos, no Suco Suai-Loro ho nia area hamutuk 423.91ha. ho total benefisiariu hamutuk 327.
Ida nee hanesan kompromisiu ba serbisu hotu nebe Exelencia Ministro MAPPF wainhira halao visita trabalho iha Covalima no fo orientasaun atu Diresaun koordenado hotu hakbesik no hamutuk ho agrikultores hodi solisiona difikuldades nebe agrikultores enfrenta iha base.
Iha biban hanesan Diretor DNEFA no Diretor Agrikultura Munisipiu Covalima hasoru malu ho komunidade hosi suku Beco aldeia Maukola no Suku Thazhilin aldeia Kuluoan koalia kona ba preparasaun ritual tuir kultura Suku rua nian, molok operator husi Diresaun Nasional Irrigasaun desloka hodi normaliza irigasaun mota Lomea, hodi fornese be'e ba Suku rua nuné agrikuktores bele hahu halo natar.