Notisia

HAPAS Distribui Fundus Ki’ik Ba Grupu Agrikultura Ainaro

Estrela inativaEstrela inativaEstrela inativaEstrela inativaEstrela inativa
 
Fotografia/E
Ainaro- Ministériu Agríkultura e peskas (MAP) liu hosi Projeto Hasa’e Produtividade Agrikultura Sustentavel (HAPAS) distribui Fundus Ki’ik fase daruak ba grupu Benefisiariu hamutuk 70 iha Munisipiu Ainaro.
 
Totál Orsamentu ne’ebe maka Distribui ba grupu Agikultura sira iha Munisipiu Ainaro, Rihun atus tolu sia, atus lima ida sentavus tolunulu 309,501,30. Ne’e kompostu husi Suku Tolu maka hanesan Suku Ainaro Villa, Suku Leolima no mos Suku Aitutu, atividades distribui ne’e hala’o iha fulan Jullu liu ba iha Munisipio Ainaro.
 
Tuir Diretora Projeto, Ervina Soares Pinto, fo parabéns ba grupu Benefisiariu ho nia membru sira tanba ohin bele simu ona osan. Atu dehan de’it katak osan ne’e ita fahe ba grupu maka osan ne’e ki’ik, maíbe nia totál ne’e bo’ot tebes, tanba ne’e hodi Ministériu nia naran hakarak hato’o de’it lia menon ba grupu Benefisiariu sira katak, utuliza osan ne’e ho didiak ba.
 
Nia dehan, Tanba ida ne’e hanesan bele hetan oportunidade ida ne’e, maibe iha ema balun ne’ebe maka hakarak tebes hetan apoiu hanesan ne’e maibe la hetan oportunidade, tanba ne’e husu ba ita bo’ot sira atu utiliza osan ne’e ho didiak labele lao to klaran grupu sira ne’e husik malu no fim ita la hatene osan ne’e ba ne’ebe.
 
 
“Hakarak atu fo hatene katak, atividade refere tenki iha ninia kontinuasaun, labele ohin foti osan fulan rua ou tolu ekipa refere mai manu luhan mos la iha karau luhan mos la iha, ida ne’e favor labele akontese. Ami mos sei halo munitorizasaun nafatin ba grupu sira.”tenik Ervina
 
Iha fatin hanesan, Prezidente Sub Comite Basia Hidrografika Be’e Lulik Ainaro Nazario de Araújo esplika katak, HAPAS nia prosesu ne’e lao, hahu husi prosesu treinamentu ou kapasitasaun ba grupu no mos rekrutamnetu grupu, ne’e hotu lao iha etapa ida hafoin tama ba iha asina kontratu, depois de asina kontratu tama ba iha faze foti fundus ki’ik. Fundus ki’ik ne’e iha grupu balu ne’ebe maka foti ona 30%, no sira hala’o ona atividade iha terenu, tuir formasaun ne’ebe maka sira hetan, no agora tama ona ba faze foti tan fundus ki’ik, maibe ba 90% nian ne’e maka agora dadauk ita realiza ona.
 
“Tuir hau nia akompanha ba grupu benefisiariu sira iha faze primeiru ne’e, iha mos konflitu balun ne’ebe maka ita nia Grupu Benefisiariu sira halo, maibe hau rasik tun ba rezolve, no agora ita lao ona ho diak.” Haktuir Nazario
Fotografia/E
Hau senti kontenti tebes ho apoiu ida ne’e, tanba liu husi formasaun ne’ebe maka feito, no hari’i Grupu ne’ebe maka organizadu, liu-liu ho situasaun ida hanesan agora ita hasoru hela Pandemia Covid19, maibe sira bele hetan osan hodi bele kontinua hala’o sira nia atividade ne’ebe maka iha.
 
Nia mos la haluha hato’o lia menon ba Grupu Benefisiariu sira, katak utiliza osan ne’e ho didiak ba, tanba osan refere hetan gratuitamente de’it, sei la fo fila ba ita nia Governo. Nia nia esperansa maka Grupu Benefisiariu nia rezultadu hodi sustenta ba familia uma laran.
 
Iha fatin hanesan Oficial Fundus Ki’ik SAPIP Humberto Moniz esplika katak, Semana ida ne’e hanesan semana ikus ita halo distribuisaun Fundus Ki’ik ba iha Grupu Agrikultura hamutuk 70,kompostu Husi Suku tolu hanesan, Leolima, Ainaro Villa no mos Aitutu. Ida ne’e hanesan faze primeiru ita fo ho 90%, ida ne’e hanesan mos faze preparasaun, ezempu hanesan sira halo luhan, prepara mos ba Hortikultura nian.
 
“Atividade ne’ebe maka grupu Benefisiariu sira halo maioria iha Pekuaria, no tuir mai iha Hortikultura nomos Aquikultura Iha asina akurdu entre HAPAS ho grupu benefisiariu dehan ona katak, karik grupu benifisiariu sira failla iha faze primeiru, ita sei buka solusaun hamutuk entre grupu xefe aldeia nomos xefe Suku atu hatene tuir ninia problema saida maka bele halo sira failla.” Tenik Humberto
 
Orsamentu ne’ebe maka ita nia Grupu Benefisiariu sira hetan, ne’e hanesan ita fo gratuitamente ba sira tuir Programa SAPIP nian ne’ebe iha, atu bele fo tulun ba ita nia Grupu Agrikultura sira hodi bele hadia sira nia vida ekonomia uma laran nian.
 
Entretantu xefe grupu simu Fini Agostinho Xavier husi Suku Leolima esplika katak, Iha sira nia grupu husi faze primeiru nian sira nia preparasaun masimu ona iha sira nia grupu sira hakiak karau, no sira hein de’it foti fundus Sosa fini karau hodi bele hakiak.
 
“Ami mos la haluha hato’o agradese barak ba ba Projeto HAPAS ne’ebe maka bele apoiu ona orsamentu refere, hodi ami bele hala’o ami nia atividade hodi nune’e bele sustenta mos ami nia vida uma laran.” Nia hakotu
Atividade distribui Fundus Ki’ik ne’e hetan partisipasaun husi Project Menjer SAPIP, Ervina Soares Pinto, ho nia ekipa, Autoridade Lokal, Membru Grupu Arikultura sira Husi Munsipiu Ainaro.

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login