Líkisa-Ministériu Agrikultura e Peskas (MAP) liu hosi projeitu Hasa’e Agrikultura Sustentavél HAPAS ho Diresaun Servisu Agrikultura Munisípiu Líkisa lansa koilleta manu lokál iha fase dahuluk ne’e hosi grupu benfisiariu sira ne’ebe mak hetan apoiu fundus ki’ik iha fase dahuluk, rezultadu hosi koilleta ne’e grupu sira sei fa’an atu sustenta ekonomia familia nian. Durante ne’e projeitu Hapas fó asistensia ba grupu benifisiariu sira iha suku alvu 4 hanesan, Postu AdministrativuMaubara iha suku, gugleur,guico no lissadila, postu administartivu Líkisa suku leotala, ne’ebé kontribui direita ba basias hidrografika Loes iha Posto Administrativo Maubara suku Gugleur, Munisípiu Líkisa iha loron, Sexta, 02/7.

 

Diretóra Jerál dos Servços Cooperativos hanesan mós Diretóra Projetu HAPAS, Ervina Soares Pinto, hato’o parabéns ba grupu no xefe grupu inklui membru grupu sira tanba iha grupu ne’e feto mós involve barak iha grupu hakiak manu ida ne’e.

“atividade ne’e orsamentu hosi duadores ne’ebé fó apoiu osan liu hosi MAP no apoiu ba grupu sira ne’ebé maka halo servisu to’o ohin loron ita bele hetan rezultadu e ohin halo koilleta ona ba grupu 18 ho Manu luhan atus lima haat nulu (540), ne’e ita orgulhu halo monitorizasaun ba fatin sira ne’e diak dunik agradese tanba halo servisu hamutuk to’o ohin loron”.

 

Iha fatin hanesan, Diretór Servisu Munisipal Agrikultura Líkisa, Mario da Silva esplika, relasaun ho programa ida ne’e ita lao tia ona tinan 2 ba kotuk ne’ebé ita lansa ona iha fatin ida ne’e programa ida ho naran HAPAS, Neduni iha programa ida ne’e atividade barak teb-tebes hahu husi programa fundus ki’ik ba iha grupu agrikultór no grupu sira hili hakiak manu lokál durasaun husi hakiak manu ne’e lao ona durante fulan 7 liu, ne’e hatudu katak, sira nia rezultadu hatudu iha dadauk ona no fornese ona ba merkadu.

 

“rezultadu ne’e mai hosi atividade ne’e ha’u hakarak hateten atividade ne’e iha grupu 20 mak iha Gugleur kompostu husi aldeia sanulu resin ida (11), nune’e iha grupu 20 hosi grupu hirak ne’e 18 mak hili atu hakiak manu no grupu rua hakiak bibi .” Tenik Mario

 

Mario haktuir, totál grupu benifisiariu iha 547 kompostu hosi mane 322 no feto 225, no rezultadu hosi atividade ne’e Hapas distibui manu ho total 4.980 bikus ba kada grupu 18 e sira fa’an tiha ona nanu iha 449 bikus ho totál orsamentu ne’ebé mak sira hetan hamutuk $ 3,200.50, neduni aselera lansamnetu formaliza situasaun hodi nune’e kompania, lokál balun bele fasilita manu ba merkadu.

 

Iha sorin seluk, Xefe Grupu Fini ba Futuru, Jose Gaspar Silva Goncalves hateten, lansamentu manu ne’ebé hakiak ita kolleta kompradór sira mai sosa ona manu lubuk ida iha 380 bikus.

 

Neduni ba oin husus ba ho MAP HAPAS ba oin bele bele buka kompania balun mai sosa manu ne;e atu nune;e prosesu fa’an ne’e bele lalais.

 

Nune’e mós Selestina Pereira nu’udar Kompradór Lokál haktuir katak, ita sosa manu iha suku gugleur ho folin $7 balun iha $8 no $9 ohin ami sosa manu bikus 6, hamutuk $40 ho folin hanesan ne’e ami komperadór senti diak tanba ami sei fa’an fali hodi bele manan uitoan tuir standar merkadu nian.

 

Lansamentu ne’e Partisipasaun maximu Diretóra Jéral Cooperativose Direktóra nomos diretora ba Projetu HAPAS, Administradór Postu Munisipiu Líkisa, Diretór Servisu Agrikultura Munisipíu Líkisa ,Reprezentante Direktór MTCI Munisipiu Líkisa, Autoridade Suku Gugleur ho membru grupu, no hetan seguransa Maximu hosi PNTL Postu Municipiu Liquica.