Notisia

Diretór projeitu Sesante Hapas Entrega Kna’ar servisu ba Diretora Projeitu foun

Estrela inativaEstrela inativaEstrela inativaEstrela inativaEstrela inativa
 
 Fotografia/Elsio Jong/INFO-MAP
Díli-Minitériu Agríkultura e Peskas (MAP), liu hosi Projéitu Hasa’e Produtividade Agrikultura Sustentavél (HAPAS) hala’o serimónia entrega kna’ar servisu hosi Diretór Projétu Sesante ba Diretora projeitu foun hanesan mós Diretora Gerál Servisu Cooperativos MAP, Serimónia ne’e Ofisialmente loke no entrega dereta hosi Minístru Agríkultura e Peskas (MAP), Pedro dos Reis, iha loron 22/04, iha Salaun MAP Comoro.
 
Iha intervista, Diretór Projétu Sesante, César José da Cruz, esplika, ohin enkontru ne’e estrutura muda, nune’e nu’udar Diretór ba Projétu HAPAS ne’ebe mak hetan apoiu fundus hosi Banku Mundial ho objetivu atu hadia no muda vida agrikultór sira iha baze tanba ne’e estrutura muda ita tenki entrega servisu nune’e mós instrumentu ne’ebé durante hetan projétu refere.
 
“Durante ne’e atividade barak maka susesu ona hanesan, forma Grupu agrikultór sira iha munisopiu hitu ne’ebé mak sai alvu ba basias hidrografika hat hanesan basias hidrografika Raumoco Laútem, Be lulik Ainaro, Loes Likisa inklui Basias Hodrigrafika Tono Oecusse, Atividade ne’ebé lao hotu iha seitór haat maka, agrikultura, peskas, pekuaria nomos floresta liu hosi atividade hirak ne’e agríkultór sira barak hetan ona rendiemntu liliu ba parte hortikultura nian.” Tenik Diretór Projétu Sesante
 
Iha fatin hanesan, Diretora Projeitu foun, Ervina Soares Pinto, hanesan mós Diretóra Jéral Serviso Corporativas Hateten, serimónia ne’e entreaga kna’ar servisu hosi Diretór sesante ne’e hodi bele kontinua hala’o servisu ne’ebé durante ne’e lao ona iha baze.
Fotografia/Elsio Jong/INFO-MAP
 
Ervina esplika, projétu refere iha komponente haat ou lima iha ne’ebá, iha hasa’e kapasidade inklui apoiu ba grupu ki’ik sira ne’ebé durante ne’e hala’o hela ona.
 
Projétu ne’e hala’o iha Munisipíu sira hanesan Ainaro, Laútem, Likísa, Covalima, Ermera, Bobonaro inklui rejiaun Oecusse no nune’e durante ne’e projétu lao hela hamutuk hodi apoiu ba grupu balun tanba sira iha grupu hakiak manu, kuda modo no ikan ne’ebé mak kontinua lao.
 
Nia hatutan, dadaun ita hasoru situasaun Surtu- Covid-19 neduni ne’e ba oin hosi parte projeitu sei buka mekanismu atu bele hala’o servisu, tanba servisu ne’e foka liu iha kampu.
 
Partisipa iha serimónia ne’e mai hosi Diretór jerál sira, Diretór nasionál, Asesor prinsipal, no staff Projetu HAPAS.

Parseiru ho

© 2017 Ministeriu Agrikultura no Peskas. All Rights Reserved. Designed by IT MAP

Search

Login