Dili- Ministériu Agríkultura no Peskas liu hosi projeitu HAPAS hala’o enkontru datoluk ba komisaun diretiva durante loron 5 hahu hosi 16 -20 fulan ida ne’e, ho objetivu hodi haree progresu hosi programa ne’e ba oin lao oínsa tanba estratejia programa ne’e tenki bazia ba polítika MAP nian maske orsamentu mai hosi banku mundia maibé projeitu ministério nian, sorumutu ne’e hala’o iha tersa-feira (17/11) iha maubara room Timor Plaza.
Ministru Agríkultura no Peskas, Pedro dos Reis esplika katak, programa HAPAS durante ne’e fo apoiuu fundus ki’ik neduni iha futuru mós apoiu nafatin grupu agrikulór sira iha baze, durante apoiu ba atividade hakiak manu, bibi, karau, kuda modo no konserva be matan, maibé ministru mós husu sekarik iha munisipiu alvu sira implementa ona atividade refere entaun munispiu seluk ita-mós bele implementa atividade seluk hanesan kria pilotu dam hodi konserva udan ben para bele fó benifisu ba ema barak tanba liu hosi dam ne’e iha tempu bailoron ema barak bele utilija be’e ba halaI natar ka kuda modo inklui ai-horis seluk.
Ministru mós husu ba presidenti autoridade no estensionista sira ne’ebé mk hetan fasilidade hosi HAPAS tenki tau matan ba grupu benifisiariu ne’ebé maka sai benifisiu ba programa HAPAS ne’ebé maka lao iha baze ikus mai tenki iha duni rezultadu ne’ebé mak diak tanba programa ne’e tenki iha nia sustentabilidade iha futuru.
Durante ne’e ministériu laiha orsamentu atu halo buat boot hanesan halo dam hodi konserva udan ben neduni ha’u husu ba programa HAPAS atu bele haree tau konsiderasaun oinsa maka bele apoiu finanseiru atu bele halo pilotu dam ida sekundu ba oin maka susesu entaun ba oin guvernu tenki tau orsamentu hodi kria dam ba area ne’ebé mak presija. Tenik Ministru
Iha fatin hanesan, Diretór projeitu HAPAS hanesan mós Sekretáriu Jerál MAP, César José da Cruz iha nia intrevista esplika katak, enkontru komisaun diretiva ne’e atu haree parte tolu iha projeitu ne’e mak parte polítika, Finanseiru no téknika tanba program ne’e hala’o durante tinan 4 ona no dadaun ne’e ita haree ona nia progresu iha base neduni ba oin tenki haree diak liu tan oinsa atu halo implementasaun ba oin tanba stratejia implementasaun ne’e tenki tuir polítika MAP nian maske orsamentu mai hosi banku mundial maibé projeitu ministériu nian.
Nia mós salienta, Programa HAPAS ne’e involve ema barak tanba atu halo transparensia neduni involve presidenti autoridade hosi munispiu sira diretór diresaun servisu agríkultura ne’ebé mak sai alvu ba programa ne’e, atu nune’e sira bele tau matan ba programa ne’ebé mak lao iha base nune’e programa ne’e bele susesu no nia rezultadu bele muda duni agrikultór sira-nia moris iha baze tanba HAPAS ne’e programa ne’ebé sustentavél, liu hosi programa ne’e hanorin ita-nia komunidade oinsa mak ba oin ne’e sira bele moris tanba fundus ne’e sira rasik mak jere neduni diretór sira tenki tau matan no halo monitorin bebeik tanba programa ne’e iha diferensia ho ajensia seluk katak ajesia sira fó de’it maibé laiha sustentavél no ikus mai laiha rezultadu.
Partispa iha sorumutu ne’e, Reprejentante Banku Mundial iha Timor-leste, Presidenti Autoridade no reprejentante presidenti autoridade hosi munispiu 7 mak hanesan, Laútem, Ainaro, Covalima, Bobonaro, Likisa, Ermera inklui Oecusse, Diretór Jerál no Diretór nasionál MAP, inspektór jerál MAP, Diretór munisipiu , Unidade Implementasaun projeitu ( PIU ) nasionál inklui Programa offisial programa Hapas munispiu. (E”S)
