LAÚTEM- Minitériu Agrikultura e Peskas liu hosi projeitu HAPAS asina akordu ho grupu benifisiariu sia (9)  ho objetivu atu hetan fundus ki’ik hodi  hadia  ekomonia uma kain ida-idak  iha  baze, ho totál orsamentu $. 21,207.00 mill dolares ba atividade Agrikultura, Peskas, Pekuaria no Floresta, iha  loron tersa-feira (10/11/2020) iha  postu administrativu Luro no Laútem.

Diretór Projeitu HAPAS César José da Cruz  esplika katak, Kuaze tinan ona mundu  hasoru Surtu Covid  19 inklui Timor-leste  neduni kestaun ekonomia sai prekupasaun ba ema hotu inklui komunidade iha  area rural sira tanba produtu  lokál ne’ebé mak sira produz no  fa’an  la folin tanba ema la sosa, neduni atu hadia ekonomia kada familia nian,  MAP liu hosi Projeitu hapas asina akordu ho grupu benifisiariu 9 iha munispiu Laútem  atu apoiu atividade hanesan Horitikultura, peskas, pekuaria inklui floresta liu hosi fundus ki’ik ba kada grupu  sira.

Tuir nian, programa   ne’e  fundus ki’ik maibé tuir lolos laos fundus ki’ik tanba ita haree montante fundus ne’e boot de’it,  neduni fundus  ba grupu sira ne’e laos hotu iha ne’e maibé atividade ne’e tenki iha sutentabildade tanba liu  hosi atividade ne’e bele hadia ekonomia hahu hosi baze, neduni husu ba adminitradór postu, xefe suku no xefe ladeia sira atu tau matan nafatin ba grupu hirak ne’ebé hetan apoiu ne’e atu nune’e  atividade grupu tenki lao ba oin labele kotu iha dalan klaran.

Grupu sira tenki hamutuk hodi   servisu hamutuk  atu hetan moris diak iha futuru,   neduni grupu sira tenki konsulta  ba malu no  ho    extensionista ka tekniku sira iha imi nia suku no aldeia   atu nune’e sir a bele fó asistensia tekniku ba imi banhira imi hala’o atividade ida iha imi-nia  fatin idak-idak  tanba grupu sira simu fundus iha fase dahuluk mak la susesu entaun fase daruak nian grupu ne’e sei la hetan tan  ona.

Nia husu ba grupu sira hakiak manu ka hakiak animal seluk no kuda modo tenki han atu nune’e bele hadia nutrisaun familia nian  depois mak ba faan iha merkadu, tanba  labarik sira eskola presija hahan  ne’ebé iha nutritivu.

Iha fatin hanesan, Adminitradór Postu Luro  Delfin Marques mós hatutan,  grupu sira hirak ne’ebé mak ohin asina akordu entre  MAP ho grupu benifisiariu sira ne’e prosesu durante tinan ida hahu hosi tinan kotuk liu hosi prosesu  treinamentu no planementu ne’ebé maka diak   no ohin sira konsege asina  akordu no tempu badak sira sei simu fundus ki’ik ne’e, liu hosi fundus ki’ik sira bele implementa atividade tuir proposta ne’ebé maka sira hatama ona inkus mai sei hetan rezultadu ne’eb’e diak hodi hadia ekonomia familia idak-idak nian.

Tanba reazultadu ka osan ne’ebé maka sira hetan  ne’e laos fó fali ba guvernu  maibé sira rasik mak sei uza neduni husu ba grupu sira tenki  fó liman ba malu servisu hamutuk atu nune’e ikus mai sei hetan rezultadu produsaun ne’ebé mak kualidade ho kuntidade ne’ebé mak barak hodi bele fa’an ba merkadu para bele sustenta familia uma laran. 

Nune’e mós, Programa ofisial fundus ki’ik projeitu HAPAS, Humberto Moniz iha-nia intrevista hateten katak,  grupu 9 ne’e hosi posto administrativu luro  grupu 6 no Laútem iha grupu 3  hosi suku   mak hanesan suku Luro, Lakawa, Barifaka, Kotamutu, Daudere,  Mahina dua nomos suku Serelau, hosi totál grupu benifisiariu iha munispiu laútem iha 59 e grupu 23  mak hetan ona fundus ki’ik no grupu  seluk seidauk tanba proposta hosi grupu seluk sei iha prosesu nia laran.

Totál fundus ki’ik ba grupu 9 ne hamutuk $. 21,207.00 mill  Dollares Amerikanu, grupu hirak ne’e foin asinan akordu no iha tempu badak  Hapas Nasioónal sei manda orsamentu mai iha Programa Ofisial Basias Hidrgrafiku Raumoco nia konta bankaria mak foin bele entrega ba grupu sira ne’e.

Nia salient tan katak, Asina akordu ho grupu ne’e balun foun no balun proposta tuan ne’ebe mak iha tinan kotuk nian sira foin mak  asina akordu atu hetan apoiu fundus ki’ik ne’e.

Alende ne’e, Xefe aldea makalodo suku Daudere,  Alferedo Pires senti orgullu no kontenti ho programa  HAPAS  tama iha sira nia aldeia no suku hodi involve komunidade iha atividade iha area Agrikultura, Peskas, Pekuaria no floresta ne’e hanesan buat diak baa mi  tanba liu hosi atividade ne’e grupu sir a bele hadia ona ekonomia kada familia nian liu hosi atividade refere.

Nia mós hatutan, programa ne’e fó benifisiu ne’ebé boot ba ami nia aldeia tanba liu hosi atividade no programa  ne’ebé sustentabildade atu bele produz produtu lokál hodi ba fa’an iha merkadu  hetan osan hodi sustenta labrik sira nia eskola inklui han.

Asina akordu ne’e partispa hosi Ekipa HAPAS Nasionál no munispiu, autoridade lokál  hanesan Adminitradór postu, xefe suku no ladeia inklui  grupu benifisiariu sira. (E”S)