HAPAS HALA’O  WORKSHOP KONA-A AVALIASAUN NO EVALUASAUN SERVISU 2020

Estrela inativaEstrela inativaEstrela inativaEstrela inativaEstrela inativa
 

Fotografia/E'S/INFO-MAP

Dili-  Ministériu Agríkultura e Peskas liu hosi projeitu Hasa’e Produktividade Agríkula Sutentavél (HAPAS )   konvoka workshop kona-ba avaliasaun no evaluasaun   servisu no  implementasaun  atividade HAPAS ne’ebé  mak hala’o iha munisípiu hitu (7) sai alvu ba basias hidrografika hat  maka hanesan, basias hidrografika Raumoco Lospalos, Be lulik Ainaro, Loes  Likisa no Tono Oeccuse.

Diretór ba projeitu HAPAS hanesan mós SEKJER MAP, César José da Cruz  iha nia intrevista,  tersa-feira (27/10) iha ÓTEL JL Villa Fatuhada   hateten katak, objetivu sorumutu ne’e ekipa HAPAS nasionál no munisípiu halo  avaliasaun  no evalusaun servisu   atu nune’e ita bele hatene progresu no dezafius ne’ebé mak ekipa HAPAS hasoru iha kampu nune’e ba oin bele hadia dezafius no obstaklu ne’ebé mak iha  tanba durasaun  projeitu ne’e sei la’o  to’o iha tinan 2024.

Dezafius ne’ebé maka durante ne’e ekipa HAPAS  munisípiu  sira infrenta maka kria grupu tanba grupu balun to’o iha klaran sai fali ne’e hanesan mós influensia ba grupu atu  labele ba oin maibé tuir avaliasaun hosi kada programa ofisial sira,  ita bele tau hanoin hamutuk atu bele troka grupu ka ema hirak ne’e nune’e atividade fundus  ki’ik  lao nafatin iha area alvu sira.  

Nia hatutan  tan katak, munispiu hitu ne’e  munispiu neen atividade kuaze lao ho diak  no balun koilleta ona no grupu balun hetan tan ona fundus ki’ik ba fase daruak nian iha  60% ,  maibé  munisipiu Bobonaro maka  hahu tarde oituan  tanba  grupu balun ladauk intende kona-ba kriteria atu hetan fundus ki’ik   neduni  totál fundus ne’ebé maka grupu sira tau iha propota  liu tiha  fundus ne’ebé mak atu  hetan neduni foin lalais ne’e maka  grupu 25 asina ona akordu ho MAP-HAPAS iha tempu badak  grupu hirak ne’e bele simu ona fundus ki’ik atu bele hadia ekonomia uma laran nian liu hosi atividade, floresta, pekuaria, peskas no hortikultura.

Fotografia/E'S/INFO-MAP

 Iha fatin hanesan,   Programa ofisial  HAPAS hosi munisípiu Laútem, Simonia Sanches  esplika katak,sorumutu ne’e inportante tanba liu hosi sorumutu ne’e bele halo evaluasaun no avaliasaun servisu inklui haree  dezafius ne’ebé mak PO  sira hasoru iha munispiu atu nune’e ba oin bele hadia sistema servisu lao diak liu tan.

Alende ne’e  programa ofisial HAPAS Oecuse, Agustinho Noronha haktuir katak,  sorumutu ne’e diak tebes tanba sira bele aprejenta progresu servisu  no atividade fundus ki’ik nian iha  baze inklui ami mós bele hato’o difikuldade no dezafius ne’ebé mak ami hasoru neduni husu ba HAPAS Nasionál sebele karik kria sorumutu hanesan ne’e kada trimestral atu nune’e bele hatene progresu ne’e to’o iha ne’ebe.

Tanba implementasaun programa  fundus  ki’ik iha  basias hidrografika Tono Oecuse fó duni benifisiu ba ema ho totál 21,571  ne’ebé maka involve an iha grupu  ne’e,  hanesan pasu positivu   tanba grupu ne’e laos involve mane de’it maibé iha feto inklui joven sira iha fatin refere.

Progresu atividade fundus ki’ik   hosi grupu  benifisiariu  iha 110,  iha grupu benifisiariu 37 mak hetan ona fundus fase dahuluk iha fulan janeiru liu ba,    atividade grupu hirak ne’e balun  koilleta ona  sira nia rezultadu  produsaun hanesan batar no fore rai,  HAPAS munispiu  ajuda grupu sira buka merkadu ba  ba  sira atu  bele fa’an sira nia produtu, no grupu balun ne’ebé  maka hakiak bibi  no karau iha oan  ne’e  aumenta tan ona   kuantidade animal ne’e hakiak.

Nia salient tan katak, Totál grupu 73  ne’ebé maka foin kria  iha fase daruak no  grupu hirak ne’e  komesa submete ona sira nia proposta ba Sekretariadu HAPAS munisípiu no dadaun ne’e prosesu verifikasaun e tempu badak sira mós sei asesu ba fundus ki’ik fase dahuluk nian.

Foin lalais grupu benifisiariu  33  iha Oecuse  asesu  tan ona  fundus ki’ik ba fase  daruak nian ba porsentu 60  no grupu hirak ne’e hala’o  hela atividade tuir proposta ne’ebé  mak sira hatama hanesan, pekuaria floresta no hortikultura nian.

Workshop ne’e hala’o durante loron tolu hahu hosi loron 27 ate 29 Outobru, iha  sorumutu ne’e partispa hosi programa offisial hosi munispiu hitu maka hanesa,  Laútem, Likisa, Ermera, Bobonaro, Ainaro, Covalima inklui RAOE –Oescuse aprezenta progresu atividade no dezafius ne’ebé mak sira hasoru durante ne’e. (E”S)

 

 

 

 

Parseiru ho

© 2023 Ministeriu Agrikultura no Peskas. All Rights Reserved. Designed by IT MAP

Search

Login