Ermera – 30 Outubro 2018. Presidente Autoridade Municipu Ermera  Sr. José Martinho dos Santos Soares,hamutuk ho Diretur Regional regiao III – Sr. Donato Salsinha Menezes no Sr.Luis De Deus – xefe Departementu Jestaun Plantas no  Floresta-MAP, iha loron tersa ,30 Outubro 2018 konvoka sorumtutu harmonizasaun ba Parseiru Dezenvolvimentu sira ne’ebé fo apoiu ba dezenvolvimentu setor agrikultura iha Municipio Ermera hanesan  AVANSA (USAID),GCCA,IMI,CCT,HDI,Gracia Farm, CARE/HAFORSA,Timor Global, HAPAS/SAPIP iha Salaun Administrasaun Municipiu Ermera ho objetivu atu aktualiza progressu aktividades kada parseiru iha trimestre dahuluk tinan 2018 nian.

Objetivu sorumutu ida nee : Konsolida no harmoniza (hametin koordenasaun no kolaborasaun) atu apoiu sira fornese husi parseiru dezenvolvimentu sira integradu no alinha ho planu/programa Governu nian hodi nune’e bele asegura katak apoiu sira ne’e fo duni benefisiu ba povu agrikultores sira iha Municipio Ermera; 

Materia diskusaun durante iha enkontru hamornizasaun maka : 1). Atu identifika kada apoiu husi parseiru dezenvolvimentu sira iha area agrikultura fornese husi doadores sira 2).Identifika progresu, dizafiu/problemas;Oinsa atu solusiona problemas/dizafiu sira ne’e 3). Oinsa kria enktrou regural (trimestral) hosi avalia progressu apoiu sira ne’e 4). Desidi formatu template atu subemete  relatorio kada trimestrial 5). Desidi data sorumutu tuir mai no desidi mos parseiru ida ne’ebé mak sei responsabiliza ba organiza sorumutu refere. 

Hodi loke sorumutu ida nee Presidente Autoridade Municipiu Ermera Sr. José Martinho dos Santos Soares hateten katak :

• Hau agradese tebes ba enkontru harmonizasaun ho parseiru desenvolvimentu sira, tanba ho presensa husi parseiru desenvolvimentu sira iha munisipiu ermera atu hatutan mos servisu guvernu nian liliu iha area agrikultura nian
• Hanesan Presidente Autoridade Municipiu Ermera hau pronto atu koopera hamutuk ho parseiru sira hotu iha qualquer atividade iha munisipiu Ermera naran katak atividade nee iha benefisiu ba iha komunidade no ba povu nia moris diak .

 Ikus hodi taka Enkontru Enkontru Harmonizasaun Parseiru Dezenvolvimento Agrikultura iha Município Ermera Diretur Regional regiao III – Sr. Donato Salsinha Menezes hato'o liafuan ikus katak " Lori Ministerio Agrikultura e Pescas " hau Agradese tebes ba iha kontribusaun husi parseiru sira hotu nebe maka fo apoiu no suporta ba iha dezenvolvimentu agrikultura iha munisipiu ermera. 

Diretur mos  hateten katak nia fo importansia liu ba iha seguransa aihan, tanba ida nee mak hanesan  Ministerio Agrikultura e pescas nia servisu no objetivu .Nia hatutan liutan katak konaba Nutrisaun aihan mos persija atu atinji diak, tanba liu husi aihan nebe diak sei fo nutrisaun diak ba iha povu nia saude .Ikus liu Diretur Regional Regiao III nee informa katak " Planu strategy nee diak maibe tengki halo revisaun bebeik atu bele diak liutan iha futuru.

 Reported by : Reha-Comm SAPIP/HAPAS

Photo : Atividade Harmonizasaun Parseiru Dezenvolvimentu Ermera,  Data : 30/10.2018